بۇگىن ەلوردادا قانداستار اراسىندا شاعىن فۋتبولدان وتەتىن حالىقارالىق تۋرنيردىڭ جەرەبەسى تارتىلادى
27-28- ساۋىردە «جاس باتىر» سپورت كەشەنىندە تاريحي وتانىنا ورالعان جانە شەتەلدە تۇراتىن وتانداستار ءۇشىن شاعىن فۋتبولدان حالىقارالىق تۋرنير وتەدى.
جارىستى ق ر مادەنيەت جانە سپورت مينيسترلىگى سپورت كوميتەتى مەن ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن «وتانداستار» قورى جانە دۇنيەجۇزى قازاقتارى قاۋىمداستىعى ۇيىمداستىرماق.
جاستار اراسىنداعى تۋرنيرگە تۇركيا، موڭعوليا، قىتاي، اۋعانستان، يران، رەسەي، وزبەكستان جانە قىرعىزستان سياقتى الىس جانە جاقىن شەتەلدەردەن كەلەتىن 30 دان استام كوماندا قاتىسادى دەپ كۇتىلۋدە.
سونداي-اق، وعان ەلىمىزدىڭ ءار ايماعىنان كەلەتىن كوماندالار دا قاتىسا الادى.
كوماندالاردىڭ جەرەبەسى 26- ساۋىردە ساعات 16:00 دە قونايەۆ كوشەسى، 12/1 مەكەنجايى بويىنشا ورنالاسقان «وتانداستار» قورىندا وتەدى. تۋرنير 27- ساۋىردە ساعات 09:00 دە باستالادى.
وتەتىن ورنى: كونستيتۋتسيا كوشەسى، 3 مەكەنجايى بويىنشا ورنالاسقان «جاس باتىر» سپورت كەشەنى.