الماتى وبلىسىندا بالىق اۋلاۋعا قاتاڭ تىيىم سالىندى
وسىعان وراي الماتى وبلىسىنىڭ ءتارتىپ ساقشىلارى كوكتەمگى ۋىلدىرىق شاشۋ كەزەڭىندە بالىقتى زاڭسىز اۋلاۋشىلاردىڭ جولىن كەسۋ ماقساتىندا ءتۇرلى شارالار ۇيىمداستىرۋدا، دەپ حابارلايدى قازاقپارات ءتىلشىسى.
23- ءساۋىر كۇنى وبلىستىق پوليتسەيلەر تابيعات قورعاۋ ينسپەكتسياسىمەن بىرلەسكەن رەيد بارىسىندا زاڭسىز بالىق اۋلاعان بالقاش اۋدانىنداعى اققۇم اۋىلىنىڭ ماڭىندا 42 جاستاعى قاراعاندى وبلىسىنىڭ تۇرعىنىن ۇستادى. «كۇدىكتىدەن «ياماحا-90» ماركالى اسپالى قوزعالتقىشتى «امۋر» قايىعى، پلاستيكالىق قىل جىپتەن جاسالعان اۋ جانە باسقا جابدىقتار مەن اۋلانعان بالىق تاركىلەندى. دەرەك بويىنشا ق ر قىلمىستىق كودەكسىنىڭ 335-بابىنا سايكەس تەرگەۋ امالدارى جۇرگىزىلۋدە. مەملەكەتكە 300 مىڭعا جۋىق ماتەريالدىق شىعىن كەلتىرىلگەن»، - دەپ اتاپ ءوتتى وبلىستىق تابيعات قورعاۋ پوليتسياسىنىڭ ينسپەكتورى باعلان رىمجانوۆ.
سونىمەن قاتار، ءتارتىپ ساقشىلارى 20 كۇن ىشىندە «ۋىلدىرىق شاشۋ» جەدەل الدىن الۋ ءىس-شاراسى بارىسىندا 50 دەن استام حاتتاما تولتىرىپ، 8 تۇلعاعا قاتىستى تابيعات قورعاۋ زاڭناماسى بويىنشا قىلمىستىق ءىس قوزعالعانىن جەتكىزدى.
ءوز كەزەگىندە، پوليتسەيلەر ءىس-شارانىڭ مامىر ايىنىڭ سوڭىنا دەيىن جالعاساتىنىن ايتىپ، وبلىس تۇرعىندارىن بالىقتاردىڭ ۋىلدىرىق شاشۋىنا كەدەرگى كەلتىرمەۋگە شاقىرادى.