جەل، جاۋىن، بۇرشاق - جۇماعا ارنالعان اۋا رايى بولجامى
قازاقستاننىڭ باسىم بولىگىندە اتموسفەرالىق اۋا اعىنداردىڭ وتۋىنە بايلانىستى جاڭبىر جاۋادى، ورتالىعىندا - قاتتى جاڭبىر جاۋادى، تەك وڭتۇستىك-باتىسىندا جاۋىن-شاشىنسىز اۋا رايى كۇتىلەدى.
كەي جەرلەرىندە تۇمان، جەلدىڭ كۇشەيۋى ساقتالادى، نايزاعاي بولىپ، بۇرشاق جاۋۋى مۇمكىن، سولتۇستىكتە جاياۋ بۇرقاسىن كۇتىلەدى. قىزىلوردا وبلىسىندا كۇندىز جەل 15-20 م/س كۇشەيەدى، كەي جەرلەردە شاڭدى داۋىل كۇتىلەدى.
پاۆلودار وبلىسىندا جەل 15-20، كەي جەرلەردە 25 م/س كۇشەيەدى. قاراعاندى وبلىسىنىڭ كەي جەرلەرىندە جەل 15-20، ەكپىنى 25 م/س كۇشەيەدى.
اقمولا، سولتۇستىك قازاقستان، قوستاناي وبلىستارىنىڭ كەي جەرلەرىندە تۇمان، كوكتايعاق بولىپ، جەلدىڭ جىلدامدىعى 15-20 م/س جەتەدى.
كۇندىز شىعىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى. جامبىل، تۇركىستان وبلىستارىندا تاڭەرتەڭ جانە كۇندىز كەي جەرلەردە جەل 15-20 م/س جىلدامدىقپەن سوعادى، بۇرشاق جاۋۋى مۇمكىن. جامبىل وبلىسىنىڭ كەي جەرلەرىندە تۇمان كۇتىلەدى. تۇندە جانە تاڭەرتەڭ الماتى وبلىسىنىڭ كەي جەرلەرىندە تۇمان كۇتىلەدى.