تاۋدا اداسىپ كەتكەندە نە ىستەۋ كەرەك؟

استانا. قازاقپارات - تاۋعا ەندى شىققان تۋريست تۇرماق ەڭ تاجىريبەلى دەگەن تاۋقۇمار ساياحاتشىنىڭ ءوزى تاۋ ىشىندە اداسىپ كەتۋى مۇمكىن.

 جولدى الدىن- الا جوسپارلاپ، جاقسى بىلەمىن دەگەننىڭ وزىندە ءتۇرلى سەبەپپەن اداسىپ كەتۋ وڭاي. نازارىڭىزعا الماتى قالاسى قۇتقارۋ قىزمەتىنىڭ كەڭەسىن ۇسىنامىز.

 1. ساپارعا جالعىز شىقپاڭىز توتەنشە جاعدايدا جالعىز قالعان وتە قاۋىپتى، سوندىقتان تاۋعا كەمىندە ەكەۋلەپ شىققان ءجون. ودان بولەك ساپار الدىندا تۋىستار مەن تانىستارعا ەسكەرتىپ كەتۋ كەرەك.

 2. ءاردايىم باعىتىڭىزدى جوسپارلاڭىز كارتادان ءجۇرىپ وتەتىن جولىڭىزدى سىزىپ، الدىن- الا دايىندالىڭىز. سىزبانىڭ كوشىرمەسىن تۋىس- تانىسقا بەرىپ كەتىڭىز. بۇل ءسىز جوعالعان جاعدايدا ىزدەۋ جۇمىستارىنا جاقسى كومەكتەسەدى.

 3. كەرەك- جاراقتىڭ ءبارىن الىپ شىعىڭىز تاۋعا شىعار الدىندا كەرەك زاتتىڭ بارلىعىن العانىڭىزعا كوز جەتكىزىڭىز. قالتاشام، قاعاز كارتا، شاعىن كارەمات نەمەسە توسەك قاپ، جازدىگۇنى شىقساڭىز دا جىلى كيىم، پىشاق، سىرىڭكە سياقتى توتەنشە جاعدايدا كەرەك بولاتىن زاتتىڭ بارلىعى سومكەدە بولعانى دۇرىس.

سونىمەن ءسىز جولىڭىزدى جوسپارلاپ، سومكەڭىزگە كەرەك- جاراقتىڭ ءبارىن سالىپ، جولىڭىزدىڭ كوشىرمەسىن جاقىندارىڭىزعا قالدىرىپ، دوستارىڭىزبەن تاۋعا شىقتىڭىز. ءبىراق كۇتپەگەن جەردەن اداسىپ كەتتىڭىزدەر نەمەسە دوستارىڭىزدى تاپپاي قالدىڭىز دەلىك. نە ىستەۋ كەرەك؟ №1 ەرەجە. قورقىنىشقا بوي الدىرماڭىز ادامدار ادەتتە كەشقۇرىمدا اداسادى. ءتۇن جاقىنداعان سايىن ۇرەي كوبەيە بەرەدى. مۇندايدا دۇرلىگىپ قورقا بەرۋگە بولمايدى. اداسىپ كەتكەنىڭىزدى ەرتەرەك سەزىنسەڭىز، ناقتى ىسكە كوشە باستايسىز. ازىق، سۋدى ۇنەمدەپ، سالقىنقاندى بولاسىز. تاۋ ىشىندە ءموبيلدى بايلانىس بولمايدى. دەسە دە اۋىق- اۋىق ءالسىز بولسا دا بايلانىس پايدا بولۋى مۇمكىن. ەڭ ءبىرىنشى 109 نومىرىنە حابارلاسىپ، ءوزىڭىز بىلەتىن بارلىق اقپاراتتى ايتىڭىز.

 №2 ەرەجە. اشىق جەرگە شىعىڭىز ءسىزدىڭ جوعالىپ كەتكەنىڭىزدى بىلەتىن ادامىڭىز بولسا، قۇتقارۋ قىزمەتىنە حابارلاسىپ، ىزدەۋ جۇمىستارى باستالاتىنىنا سەنىڭىز. سوندىقتان اشىق جەرگە شىعىپ، كۇتىڭىز. بۇل اعاش اراسىندا، جوتالاردىڭ قۋىسىندا جۇرگەننەن جاقسى. قۇتقارۋشىلاردىڭ تاۋىپ الۋ ىقتيمالدىعى ارتادى.

 №3 ەرەجە. ۇيىقتاماڭىز اداسىپ بولدىرعان ادامنىڭ ۇيىقتاپ كەتۋى قيىن ەمەس. قالىڭ ۇيقىعا بەرىلگەن ادام قۇتقارۋشىلاردىڭ داۋىسىن ەستىمەي قالۋى ابدەن مۇمكىن. سوندىقتان تۇنگى ۋاقىتتا وت جاعىپ، بارىنشا سەرگەك بولۋ كەرەك.

Massaget.kz