بۇگىنگى جاستار كەلبەتى قانداي؟
قىرانداي كۇشتى قاناتتى، مەن جاستارعا سەنەمىن! - دەپ ۇرپاققا ۇلكەن سەنىم ارتقان جاستار جالىن جۇرەكتى، ءورشىل نامىستى، بيىك رۋحتى بولسا، ول ەلدىڭ ەڭسەسى بنىك بولادى. بولاشاقتا ەلىمىزدىڭ قوجاسى دا، يەسى دە - بۇگىنگى جاس بۋىن. ولار- بىزدەر. بىزدەر جاڭا عاسىر، جاڭا مىڭجىلدىقتىڭ جاس ۇرپاعى، ەگەمەندى ەلدىڭ ەرتەڭىمىز.
بۇگىنگى جاستاردىڭ كەلبەتى قانداي؟ قازاق قاشاندا جاماندىعىن جاسىرىپ، جاقسىلىعىن اسىرىپ ايتقان حالىق قوي. دەسەك تە، جاستار تاربيەسىنىڭ كولەڭكەلى تۇستارىن جاسىرىپ، قوعام ءومىرى ءۇشىن اسا ماڭىزدى بۇل ماسەلەگە ءاتۇستى قاراپ، جالعان نامىسپەن ماقتانعا بوي الدىرۋىمىز ءوز تامىرىمىزعا بالتا شابۋمەن بىردەي.
سوڭعى كەزدە زامانداس قۇربىلارىمنىڭ بويىنداعى تەرىس قىلىقتاردى، قازاقي بوياۋعا مۇلدەم ۇقسامايتىن جات بەينەلەردى كورىپ، قىنجىلامىن. جاستار - ەلىكتەگىش، قوعامدا بولىپ جاتقان جاڭالىقتاردى تەز قابىلداپ، ونى وي سۇزگىسىنەن وتكىزبەي جاتىپ بويعا ءسىڭىرىپ ۇلگەرەدى. باتىسقا تابىنۋشىلىق كوپشىلىگىنە ءتان قاسيەت. ءتىپتى، ءوزىنىڭ قازاق ەكەنىنە ارلانىپ، ءوز تىلىندە ەمەس وزگە تىلدە سايرايتىن، ءدىني اداسۋشىلىقتار، تەرروريزم، جاستار اراسىندا ەسىرتكىنىڭ تارالۋى، مادەني دەڭگەيدىڭ قۇلدىراۋى قوعامىمىزدىڭ وزەكتى پروبلەماسى بولىپ وتىر. ءقازىر تەلەديداردان ءۇندى، كورەي، تۇرىك سەريالدارى كوپ بەرىلەدى. كەيبىر ساناسى ۋلانعان جاستارىمىز سول ەلدەردىڭ سالت- داستۇرلەرىن قابىلداپ ەلىكتەۋى ويلانتادى.
ماسەلەن، ۇندىلەر سەكىلدى ۇستەرىنە بوياۋ جاعىپ، بي بيلەپ، كوڭىل كوتەرۋىن قالاي تۇسىنۋگە بولادى؟ قازاقتىڭ ۋىزداي جاس ۇلى مەن قىزىنىڭ قولىنان بۋداقتاعان تەمەكى ءتۇتىنىن كورگەندە ەشكىم تاڭ قالمايتىن بولدى.
«ءاي» دەيتىن اجە، «قوي» دەيتىن قوجا جوق بولعان سوڭ، قازىرگى جاستار بۇل ارەكەتتەرىن تەرىس دەپ سانامايدى. كەيدە ماعان سول جاستار تەمەكى تۇتىنىمەن وزدەرى عانا ۋلانىپ قويماي، بۇكىل قوعامدى ۋلاپ جاتقانداي كورىنەدى.
دەگەنمەن، بوستاندىعىمىزدى باياندى ەتەر بولاشاقتىڭ بارىس جۇرەك، قىرانداي كۇشتى، ارىستانداي ايباتتى، جولبارىستاي قايراتى بار جاستارىمىزدىڭ ەل يگىلىگى ءۇشىن اتقارىلىپ جاتقان باستامالاردىڭ باسى- قاسىندا جۇرگەنى دە كوڭىل قۋانتادى. ءبىلىمدى ۇرپاق ءوسىرۋ ءۇشىن، ەڭ اۋەلى، سول مۇعالىمدەرىمىزدىڭ ءوزى ءبىلىمدى، پاراساتتى، بىلىكتى بولۋى قاجەت. سوندىقتان، بولاشاق ۇستاز رەتىندە ايتارىم، ءاربىر وسكەلەڭ ۇرپاق جەكە قابىلەتىنە ساي قوعامىمىزدان ءوز ورنىن تابۋى قاجەت.
«جاستار - بولاشاققا اپاراتىن التىن كوپىر»، - دەيدى دانا حالقىمىز. ءاربىر قازاق جاستارى وزدەرىن ۇلتجاندىمىن دەپ ۇعىنىپ، ءون بويلارىندا ۇلتتىق نامىستى جوعارى قويۋى كەرەك. قازاق جاستارى تاۋەلسىز ەلىمىزدىڭ ايقىن ماقساتتارىمەن جىگەرلەنىپ، تەك قانا العا ۇمتىلۋىمىز قاجەت. ەل سەنىمىن، ءۇمىتىن اقتاۋ ءبىزدىڭ قولىمىزدا.