ۆلاديمير پۋتين كيم چەن ىنمەن كەزدەستى

ۆلاديۆوستوك. تاسس- قازاقپارات - رەسەي پرەزيدەنتى ۆلاديمير پۋتين مەن كحدر مەملەكەتتىك كەڭەسىنىڭ ءتوراعاسى كيم چەن ىن ۆلاديۆوستوكتا كەزدەسۋ وتكىزدى، دەپ حابارلايدى قازاقپارات تاسس- قا سىلتەمە جاساپ.

ر ف پرەزيدەنتى مەن ك ح د ر مەملەكەتتىك كەڭەسىنىڭ ءتوراعاسى ءۇش جارىم ساعات بويى كەلىسسوز وتكىزدى. رەسەي پرەزيدەنتى مەن ك ح د ر كوشباسشىسى يادرولىق قارۋسىزداندىرۋ، وڭىرلىك ىنتىماقتاستىق، سونداي- اق ەكىجاقتى قارىم- قاتىناستى دامىتۋ ماسەلەلەرىن تالقىلادى.

كيم چەن ىن ۆلاديۆوستوكقا 24 - ساۋىردە جەكە پويىزىمەن كەلگەن. ونى پريمورە گۋبەرناتورى ولەگ كوجەمياكو، ر ف س ءى م باسشىسىنىڭ ورىنباسارى يگور مورگۋلوۆ، ك ح در - داعى ر ف ەلشىسى الەكساندر ماتسەگورا كۇتىپ الدى. بۇل - كيم چەن ىننىڭ رەسەيگە العاشقى ساپارى.

رەسەي باسشىسى ك ح د ر كوشباسشىسىمەن بولعان كەلىسسوز تۋرالى قىتاي جانە ا ق ش باسشىلىعىنا حابارلايتىنىن مالىمدەدى. بۇل تۋرالى كيم چەن ىن دا سۇراعان.

ر ف پرەزيدەنتى 2002 -جىلى ۆلاديۆوستوكتا قازىرگى ك ح د ر كوشباسشىسىنىڭ اكەسى كيم چەن يردى قابىلداعانىن ەسكە الىپ، رەسەيدە وعان ۇنەمى ۇلكەن قۇرمەت كورسەتىلگەنىن اتاپ ءوتتى.

ۆلاديمير پۋتين قابىلداۋ كەزىندە كورەي تۇبەگىندەگى يادرولىق ماسەلەلەردى بەيبىت تۇردە شەشۋدىڭ بالاما جولى جوق ەكەنىن مالىمدەدى.

كيم چەن ىن ءوز كەزەگىندە ۆلاديمير پۋتينمەن كەزدەسۋدىڭ ەكىجاقتى بايلانىستى دامىتىپ، كورەي تۇبەگىن رەتتەۋگە ىقپال ەتەتىنىنە ۇمىتتەنىپ وتىر.

كيم چەن ىن كەلىسسوزدەن كەيىن ۆلاديمير پۋتينگە كورەي قىلىشىن سىيعا تارتتى.

 ۆلاديمير پۋتين مەن كيم چەن ىن كەزدەسۋىنە 300 دەن استام جۋرناليست اككرەديتاتسيالاندى. ولاردىڭ اراسىندا قىتاي، وڭتۇستىك كورەيا جانە جاپونيا وكىلدەرى بار.