پرەزيدەنت سايلاۋىنا «اۋىل» پارتياسى اتىنان تولەۋتاي راحىمبەكوۆ ۇسىنىلدى
بۇل تۋرالى پارتيا ءتوراعاسى ءالي بەكتايەۆ ەلوردادا «اۋىل» حالىقتىق- دەموكراتيالىق پارتياسىنىڭ كەزەكتەن تىس XV سەزىندە مالىمدەدى.
«اۋىلداردىڭ، اسىرەسە كوپبالالى جانۇيالار، اۋىل شارۋاشىلىعى ماسەلەلەرى ماعان جاقسى تانىس. سونىمەن بىرگە، قالاداعى تۇرعىن ءۇي- كوممۋنالدىق شارۋاشىلىعى، جول، كاسىپورىندار، ءوندىرىس، عىلىم تاقىرىبىندا دا تاجىريبەم جەتەرلىك» ، - دەپ اتاپ ءوتتى ت. راحىمبەكوۆ.
پارتيانىڭ كەزەكتەن تىس XV سەزىندە پىكىرتالاس ءجۇرىپ جاتىر، كانديدات كەيىنىرەك داۋىس بەرۋ ارقىلى بەكىتىلەدى.
تولەۋتاي ساتاي ۇلى راحىمبەكوۆ 1964 -جىلى قاراعاندى وبلىسى جاڭاارقا اۋدانىنىڭ اتاسۋ كەنتىندە تۋعان. 1986 -جىلى قازاق اۋىلشارۋاشىلىق ينستيتۋتىن ينجەنەر- مەحانيك ماماندىعى بويىنشا ۇزدىك بىتىرگەن. 1992 -جىلى ماسكەۋدە بۇكىلوداقتىق اۋىل شارۋاشىلىعىن ەلەكترلەندىرۋ عىلىمي- زەرتتەۋ ينستيتۋتىنىڭ اسپيرانتۋراسىن ءتامامداعان. 2001 -جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن زاڭگەر ماماندىعى بويىنشا بىتىرگەن. 2005 -جىلى ەكونوميكا عىلىمدارىنىڭ دوكتورى اتانعان.
ەڭبەك جولىن ول 1986 -جىلى قازاق اۋىلشارۋاشىلىق ينستيتۋتىنىڭ كىشى عىلىمي قىزمەتكەرى، اسپيرانتى بولىپ باستاعان. 1987 -جىلى - جەزقازعان وبلىسى جاڭاارقا اۋىل شارۋاشىلىعىن مەحانيكالاندىرۋ جانە ماتەريالدىق- تەحنيكالىق جابدىقتاۋ كاسىپورنىنىڭ (اۋداناۋىلشارتەحنيكا) ينجەنەر- اقاۋ جوندەۋشىسى، تسەح شەبەرى، اعا باقىلاۋشى شەبەرى، اعا ينجەنەر- تەحنولوگى.
1989 -جىلى - بۇكىل وداقتىق اۋىل شارۋاشىلىعىن ەلەكترلەندىرۋ عىلىمي- زەرتتەۋ ينستيتۋتىنىڭ اسپيرانتى. 1992 -جىلى - «جازيرا» شجك ديرەكتورى، «دانا» شجك ديرەكتورى، «دانابيزنەس» شاعىن بيزنەس ورتالىعى» ا ق پرەزيدەنتى، «جەزقازعان وبلىستىق شاعىن جانە ورتا بيزنەس ورتالىعى» جشس باس ديرەكتورى. 1999 -جىلى - قاراعاندى وبلىسى ساتبايەۆ قالاسى اكىمىنىڭ ورىنباسارى.
2001 -جىلى - و. بايقوڭىروۆ اتىنداعى جەزقازعان ۋنيۆەرسيتەتىنىڭ كافەدرا دوتسەنتى.
2002 -جىلدان - ق ر اۋىل شارۋاشىلىعى مينيسترلىگىنىڭ باسقارما باستىعى، دەپارتامەنت ديرەكتورى. 2006 -جىلى - ق ر كولىكجانە كوممۋنيكاتسيالار مينيسترلىگىنىڭ دەپارتامەنت ديرەكتورى. 2007 -جىلدان - ق ر اۋىل شارۋاشىلىق مينيسترلىگى جانىنداعى «قازاگرويننوۆاتسيا» ا ق پرەزيدەنتى. 2009 -جىلدىڭ ناۋرىزىنان - ق ر پرەمەر- ءمينيسترى ورىنباسارىنىڭ كەڭەسشىسى. 2009 -جىلدىڭ قاراشاسىنان - «قازاقستان تۇرعىن ءۇي- كوممۋنالدىق شارۋاشىلىعىن مودەرنيزاتسيالاۋ جانە دامىتۋ ورتاعى» ا ق باسقارما ءتوراعاسى.
2009 -جىلدىڭ جەلتوقسانىنان بەرى - قاراعاندى وبلىسى اكىمىنىڭ ورىنباسارى بولدى. كەيىنىرەك، ت ك ش ۇلتتىق پالاتاسىن، «اتامەكەن» ۇكپ اگروبىرلىك ورتالىعىن باسقارىپ، ق ر اۋىل شارۋاشىلىعى ۆيتسە- ءمينيسترى قىزمەتىن اتقارعان. 2019 -جىلدىڭ ءساۋىر ايىنان بەرى «ۇلتتىق اگرارلىق عىلىمي- ءبىلىم بەرۋ ورتالىعى» ا ق باسقارما ءتوراعاسى بولدى.
ەسكە سالا كەتسەك، 9 - ساۋىردە رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم- جومارت توقايەۆ ەلىمىزدىڭ كونستيتۋتسياسىنا سايكەس قر پرەزيدەنتىنىڭ كەزەكتەن تىس سايلاۋىن 2019 -جىلدىڭ 9 - ماۋسىمىندا وتكىزۋ جونىندە شەشىمىن جاريالادى.