قازاقستاندىق وليمپيادا جۇلدەگەرى لەۆيت ازيا چەمپيوناتىندا تەحنيكالىق نوكاۋتپەن جەڭىلدى

None
None
نۇر- سۇلتان. قازاقپارات - تايلاندتا ءوتىپ جاتقان بوكستان ازيا چەمپيوناتىنىڭ جارتىلاي فينالىندا قازاقستاندىق بوكسشى ۆاسيلي لەۆيت تەحنيكالىق نوكاۋتپەن ۇتىلىپ قالدى، دەپ حابارلايدى قازاقپارات ءتىلشىسى.

91 كەلى ساناتىنداعى وتانداسىمىز جارتىلاي فينالدا وڭتۇستىك كورەيا بوكسشىسى كيم حەن كيۋمەن جۇدىرىقتاسقان بولاتىن. وكىنىشكە قاراي، قازاقستاندىق بوكسشى بىرىنەن سوڭ ءبىرى ەكى رەت نوكداۋنعا تۇسكەننەن كەيىن تورەشى جەكپە-جەكتى توقتاتتى.

وسىلايشا، وليمپيادا ويىندارىنىڭ كۇمىس جۇلدەگەرى لەۆيت ازيا چەمپيوناتىنىڭ قولا مەدالىن قاناعات تۇتتى.

سونداي-اق 64 كەلىگە دەيىنگى سالماقتا سىنعا تۇسكەن تاعى ءبىر جەرلەسىمىز ءساناتالى تولتايەۆ تا جارتىلاي فينالدا تاجىكستاندىق باحودير ۋسمونوۆتان ۇتىلىپ، قولا مەدال ەنشىلەدى.

ەسكە سالايىق، وسىعان دەيىن 49 كەلى سالماقتاعى تەمىرتاس ءجۇسىپوۆ جەكپە-جەككە شىعۋدان باس تارتىپ، قولا مەدال العانىن جازعان ەدىك.

وسىلايشا، ازىرگە قازاقستان قورجىنىندا ازيا چەمپيوناتىنىڭ 3 قولا مەدالى بار.

اۆتور: كۇنسۇلتان وتارباي

سوڭعى جاڭالىقتار