گولوۆكينمەن قوشتاسقان باپكەرى سانچەس ءوز اشۋىن جاسىرا المادى
گەننادي باپكەرى سانچەسپەن كەلىسىمشارتتى ۇزەتىندىگىنە قاتىستى مالىمدەمەسىندە سىپايىلىق ساقتاعان بولسا، ابەل ءوز سۇحباتىندا بويىن كەرنەگەن ىزاسىن جاسىرا المادى. وعان باپكەرلىك قىزمەتى ءۇشىن اقىنىڭ قىسقاراتىنى ۇناماعان. ارتىنشا، مۇنىڭ استارىندا اقشا ماسەلەسى جاتقانىن ايتتى.
«جاقسىلىقتى بىلمەيتىن اشكوز. ول جۋىردا عانا DAZN- مەن 100 ميلليون دوللارعا كەلىسىمشارت جاساستى. بۇدان كەيىن اقشا جەتپەيتىندىگىن العا تارتىپ، تۇبەگەيلى شاراعا بارۋعا ءماجبۇر ەكەندىگىڭىزدى ايتۋعا بولا ما؟ وسىنىڭ ءبارى اقشا ءۇشىن. مەن ولاردىڭ بۇل قورلىعىنا شىداي الماس ەدىم. بۇل ىزاڭدى كەلتىرەدى. سەبەبى بۇل جىگىت مۇنداي قادامعا باراتىنىن ەشقاشان ويلاعان ەمەسپىن. ونى ۇياتى بار، ادال، تاربيەلى دەپ ويلايتىنمىن. بۇل ونى وسىنشاما وزگەرتەتىنىن ويلاماپپىن. مەن ىزاعا بۋلىعىپ وتىرمىن»، - دەدى سانچەس ESPN- گە بەرگەن سۇحباتىندا.
قازاقستاندىق بوكسشى گەننادي گولوۆكين مەكسيكالىق باپكەرى ابەل سانچەسپەن جۇمىسىن توقتاتقانى تۋرالى بۇعان دەيىن حابارلاعان بولاتىنبىز.
«مەن ءوزىم ءۇشىن، مانسابىم ءۇشىن ماڭىزدى شەشىم قابىلداعانىمدى جەتكىزگىم كەلەدى. جەتىستىكتەرىمە سۇيەنە وتىرىپ، ءوزىمدى جەتىلدىرە تۇسكىم كەلەدى. سوندىقتان ەندى ابەل سانچەسپەن جاتتىعۋ وتكىزبەيمىن. بۇل مەن ءۇشىن وڭاي شەشىم بولعان جوق ءارى مۇنىڭ ابەلدىڭ كاسىبي قابىلەتىنە دە ەش قاتىسى جوق. ول - تاماشا باپكەر، جۇمىسىنا ادال، داڭق زالىنا اتى جازىلعان باپكەر. جاڭا باپكەرىم تۋرالى كەيىنىرەك حابارلايمىن. ال بۇگىن بوكستا بەرگەن ساباقتارى ءۇشىن ابەلگە العىس ايتامىن»، - دەدى ول.