گەننادي گولوۆكين باپكەرى سانچەسپەن كەلىسىمشارتتى ۇزگەنىن مالىمدەدى

نۇر-سۇلتان. قازاقپارات - ورتا سالماقتاعى بۇرىنعى الەم چەمپيونى گەننادي گولوۆكين مەكسيكالىق باپكەرى ابەل سانچەسپەن جۇمىسىن توقتاتتى، دەپ حابارلايدى قازاقپارات «SPORTINFORM» س ا ا- عا سىلتەمە جاساپ.

«مەن ءوزىم ءۇشىن، مانسابىم ءۇشىن ماڭىزدى شەشىم قابىلداعانىمدى جەتكىزگىم كەلەدى. جەتىستىكتەرىمە سۇيەنە وتىرىپ، ءوزىمدى جەتىلدىرە تۇسكىم كەلەدى. سوندىقتان ەندى ابەل سانچەسپەن جاتتىعۋ وتكىزبەيمىن. بۇل مەن ءۇشىن وڭاي شەشىم بولعان جوق ءارى مۇنىڭ ابەلدىڭ كاسىبي قابىلەتىنە دە ەش قاتىسى جوق. ول - تاماشا باپكەر، جۇمىسىنا ادال، داڭق زالىنا اتى جازىلعان باپكەر. جاڭا باپكەرىم تۋرالى كەيىنىرەك حابارلايمىن. ال بۇگىن بوكستا بەرگەن ساباقتارى ءۇشىن ابەلگە العىس ايتامىن»، - دەپ جازدى قازاقستاندىق بوكسشى Instagram پاراقشاسىنا.

ەسكە سالا كەتەيىك، ساراپشىلار بىلتىر گولوۆكين مەن مۋرات گاسسيەۆتىڭ جەڭىلىسىنەن كەيىن ابەل سانچەستىڭ بىلىكتىلىگىن سىنعا الا باستاعان بولاتىن. گەنناديي گولوۆكين سانچەسپەن 2010-جىلدان بەرى جاتتىعىپ كەلدى.