توقايەۆ ۇلتتىق بانكتىڭ جۇمىسى تۋرالى ەسەپتى تىڭدادى
كەڭەسكە پرەزيدەنت اكىمشىلىگىنىڭ باسشىسى ب. ساعىنتايەۆ، پرەزيدەنتتىڭ كومەكشىسى ت. سۇلەيمەنوۆ، پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءا. سمايىلوۆ، ۇلتتىق بانك ءتوراعاسى ە. دوسايەۆ، ۇلتتىق ەكونوميكا ءمينيسترى ر. دالەنوۆ قاتىستى.
مەملەكەت باسشىسى قارجى احۋالىنا بايلانىستى ينفلياتسيا دەڭگەيىن تومەندەتۋ جونىندەگى قابىلدانعان شارالاردىڭ وڭ ىقپالىن اتاپ ءوتتى.
- بۇگىن ءبىز ۇلتتىق بانكتىڭ بىلتىرعى جۇمىسى تۋرالى ەسەپتى تىڭدايمىز. ەلىمىزدەگى ماكروەكونوميكالىق جاعداي مەيلىنشە تۇراقتى. 2018-جىلى ىشكى جالپى ءونىمنىڭ ءوسىمى %4,1 دەڭگەيدى كورسەتتى. ينفلياتسيا بەلگىلەنگەن كورسەتكىشتەن اسپاي %5,3 قۇرادى. ۇكىمەت پەن ۇلتتىق بانك جۇرگىزىلىپ جاتقان ماكروەكونوميكالىق ساياساتتىڭ ساباقتاستىعى تۋرالى بىرلەسكەن مالىمدەمە قابىلدادى، - دەدى قاسىم-جومارت توقايەۆ.
ۇلتتىق بانك ءتوراعاسى قازاقستان پرەزيدەنتىنە بەرىلگەن تاپسىرمالاردىڭ ورىندالۋ بارىسى جونىندە باياندادى.
- ۇلتتىق بانكتىڭ جاقىندا شىعارعان شەشىمىنىڭ قورىتىندىسى بويىنشا بازالىق مولشەرلەمە %9 تومەندەدى. بۇل تارتىلعان قارجىنىڭ قۇنىن تومەندەتۋ ءۇشىن قوسىمشا مۇمكىندىك بەرەدى جانە كەلەشەكتە كاسىپكەرلىك، اسىرەسە، شاعىن بيزنەس ءۇشىن نەسيە مولشەرلەمەسىنە ىقپال ەتەدى دەپ سانايمىز. ءسىزدىڭ ماڭعىستاۋ وبلىسىنا جۇمىس ساپارىڭىزدىڭ بارىسىندا بەرگەن تاپسىرماڭىزدى ورىنداۋ اياسىندا ءبىز ۇكىمەتپەن بىرلەسىپ، العاشقى قادامداردى جاسادىق، - دەپ مالىمدەدى ەربولات دوسايەۆ.
مەملەكەت باسشىسىنا تەڭگەنىڭ ايىرباستاۋ باعامىنىڭ احۋالى مەن وعان سىرتقى جانە ىشكى فاكتورلاردىڭ اسەرى، سونداي-اق، ەلىمىزدىڭ سىرتقى قارىزىنىڭ ازايعانى جانە شەتەلدەن تارتىلعان ينۆەستيتسيا كولەمىنىڭ ارتقانى جونىندە مالىمەت بەرىلدى.
قاسىم-جومارت توقايەۆ بانكتەردىڭ اكتيۆتەرىنىڭ ساپاسىنا باعالاۋ جۇرگىزۋدىڭ جانە «7-20-25» باعدارلاماسىن جۇزەگە اسىرۋ جۇمىستارىن جالعاستىرۋدىڭ قاجەتتىگىن ايتتى.
كەڭەس قورىتىندىسى بويىنشا قازاقستان پرەزيدەنتى ۇسىنىلعان ەسەپتى قۇپتاپ، قارجى سەكتورىن دامىتۋعا قاتىستى ءبىرقاتار ناقتى تاپسىرما بەردى.