+7 (701) 759 90 19
7 °С : نۇر-سۇلتان
8 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

قازاقتىڭ ءاربىر ۇلتتىق مەرەكەسىن قالت جىبەرمەيمىز - ەۆرەي ەتنومادەني بىرلەستىگى

24 ءساۋىر 19:50
:ءبولىسۋ
قازاقتىڭ ءاربىر ۇلتتىق مەرەكەسىن قالت جىبەرمەيمىز - ەۆرەي ەتنومادەني بىرلەستىگى

اقتوبە. قازاقپارات - اقتوبەدەگى «شالوم» ەۆرەي ەتنومادەني بىرلەستىگىندە 600 دەن استام مۇشە بار.

قازاقستان حالقى اسسامبلەياسى ۇيىندە ورنالاسقان بىرلەستىك سالت-داستۇرلەرىن ساقتايدى، قازاقتىڭ ۇلتتىق مەرەكەلەرىن دە قالت جىبەرمەيدى، دەپ حابارلايدى قازاقپارات ءتىلشىسى.

«شالوم» ەۆرەي ەتنومادەني بىرلەستىگىنىڭ ءتورايىمى پولينا ساۆيتسكايا وتە بەلسەندى، قوعامدىق جۇمىستارعا ارالاسىپ جۇرەدى. 1998 -جىلى وڭىردە ەۆرەيلەردىڭ بىرلەستىگى قۇرىلىپ، سودان بەرى ۇجىم ءوڭىردىڭ الەۋمەتتىك-مادەني شارالارىنا قاتىسىپ، ۇلتتىق سالت- داستۇرلەرىن ساقتاۋ جولىندا بالالاردى تاربيەلەپ كەلەدى. قازىرگى كۇنى اقتوبەدە تۇراتىن ءاربىر ەۆرەي ازاماتى تاريحى مەن اتا سالتىن بىلەدى، ءوز اراسىندا دارىپتەيدى.

«ەلباسىنىڭ قازاقستان حالقى اسسامبلەياسى سەكىلدى ءىرى جوباسى وزگە ەلدە جوق، قازاق جەرىنە عانا ءتان تاتۋلىقتىق پەن بەيبىتشىلىكتىك سيمۆولى بولىپ وتىر. قازاق جەرىندە تۇراتىن ءاربىر ۇلت قۇرمەتكە يە جانە وسى ءۇشىن قازاق ەلىن شەكسىز سىيلايدى. ال نۇر - سۇلتان قالاسىندا وتەتىن كەزەكتى سەسسيا ءبىز ءۇشىن ماڭىزعا يە. سەبەبى سەسسيادا اۋقىمدى تاقىرىپتار قامتىلىپ، جاڭا مىندەتتەر جۇكتەلەدى»، - دەدى «شالوم» ەۆرەي ەتنومادەني بىرلەستىگىنىڭ ءتورايىمى پولينا ساۆيتسكايا. ول سەسسياعا قاتىسۋدى قۇرمەت سانايدى. بۇل جولى ەكىنشى رەت جولعا شىعادى.

اقتوبەدەگى «شالوم» ەتنومادەني بىرلەستىگى قازىر 600 دەن استام ادامنىڭ باسىن بىرىكتىرىپ وتىر. مۇندا ەۆرەيلەردىڭ ۇلتتىق مەرەكەسى تويلانىپ، قازاقتىڭ مەيرامدارى دا اتاپ وتىلەدى. ماسەلەن، ۇجىم ناۋرىز مەرەكەسىندە داستارحان جايىپ، قازاقتىڭ ۇلتتىق تاعامدارىن ازىرلەيدى. سونىمەن قاتار قازاقستان حالىقتارىنىڭ بىرلىگى كۇنى دە اسىعا كۇتەتىن مەرەكە. بۇل كۇنى ەتنومادەني بىرلەستىكتەر ۇلتتىق سالت- داستۇرلەرىن كورسەتىپ، ونەرلەرىن ورتاعا سالادى.

«مەن قازاقستاننان اتاجۇرتقا كوشۋ تۋرالى ويلاعان ەمەسپىن. ەلباسى نۇرسۇلتان نازاربايەۆ ءوز قامقورلىعىنا الىپ، قازاقستان حالقى اسسامبلەياسىن قۇردى، وزگە ۇلت وكىلدەرىنە جاڭا مۇمكىندىك سىيلادى. ءوزىمىز قازاق ورتادا ءوسىپ- وندىك جانە ونى ماقتان تۇتامىز»، - دەدى پ. ساۆيسكايا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات