ءدامحانا قوناقتارىنىڭ بانك كارتاسىنان اقشا ۇرلاعان داياشى ۇستالدى

نۇر-سۇلتان. قازاقپارات -  قالانىڭ 4 تۇرعىنى بانك كارتاسىنان اقشا ۇرلانعانىن ايتىپ، پوليتسياعا شاعىمدانعان، دەپ حابارلايدى قازاقپارات نۇر-سۇلتان قالالىق پوليتسيا دەپارتامەنتىنە سىلتەمە جاساپ.

«جەدەل-ىزدەستىرۋ شارالارى بارىسىندا 22 جاستاعى ەلوردا تۇرعىنى ۇستالدى. ول قالاداعى كوڭىل كوتەرۋ ورىندارىنىڭ بىرىندە داياشى بولىپ جۇمىس ىستەپ ءجۇرىپ، قوناقتار POS- تەرمينالدىڭ كومەگىمەن تولەم جاساعان كەزدە ولاردىڭ بانك كارتاسىنان رەكۆيزيتتەردى الىپ قالىپ وتىرعان. ءارى قاراي وسى رەكۆيزيتتەردى قولدانىپ، ينتەرنەت-بانكينگ ارقىلى اقشا ۇرلاعان»، - دەلىنگەن پوليتسيا اقپاراتىندا.

كۇدىكتى ءوز كىناسىن مويىندادى. قازىر ق ر ق ك 188-بابى 2-بولىگى 4-تارماعى بويىنشا سوتقا دەيىنگى تەرگەۋ جۇمىستارى باستالدى.

نۇر-سۇلتان قالاسى پوليتسيا دەپارتامەنتى ازاماتتاردى اباي بولۋعا شاقىرادى. الاياقتىق ارەكەتتەردەن كۇدىكتەنسەڭىز، مىنا نومىرلەرگە حابارلاسۋعا بولادى: 87172716291 نەمەسە 102.