+7 (701) 759 90 19
3 °С : نۇر-سۇلتان
5 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

كوپبالالى وتباسىلارعا پاتەردى جالعا بەرۋدىڭ تالاپتارى قانداي

24 ءساۋىر 15:39
:ءبولىسۋ
كوپبالالى وتباسىلارعا پاتەردى جالعا بەرۋدىڭ تالاپتارى قانداي

نۇر- سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگىنىڭ وكىلى كوپبالالى وتباسىلاردى جالعا بەرىلەتىن پاتەرمەن قامتاماسىز ەتۋدىڭ تالاپتارىن ءتۇسىندىردى، دەپ حابارلايدى قازاقپارات ءتىلشىسى.

ءماجىلىستىڭ جالپى وتىرىسىنان كەيىن ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى قايىربەك وسكەنبايەۆتان تىلشىلەر كوپبالالى وتباسالارعا جالعا بەرىلگەن پاتەردى پايدالانۋ مەرزىمى تۋرالى سۇرادى.

«بالالارى ەسەيگەننەن كەيىن، وتباسى مۇشەلەرى باسپانادان شىعارىلا ما؟ » ، - دەگەن ساۋال قويىلدى.

«پاتەردى ەشكىم دە الىپ قويمايدى، ولار سوندا قالا بەرەدى. بۇل ساتىپ الۋ قۇقىنسىز جالعا بەرىلەتىن باسپانا. سوندىقتان تۇرىپ جاتقان وتباسىلار شىعارىلمايدى» ، - دەدى ۆيتسە مينيستر.

سونىمەن قاتار ول كوپبالالى وتباسىلار ءۇشىن جالعا بەرىلەتىن پاتەردىڭ قۇنى تۋرالى ايتىپ بەردى.

«شارشى مەترى ءۇشىن 115 تەڭگە بولادى. قازىرگى كەزدە ونىڭ قۇنى وڭىرلەر بويىنشا ءوزارا بايلانىستىرىلماعان. دەگەنمەن اۋىلدىق نەمەسە قالالىق جەرلەرگە قاراي باعانىڭ بەلگىلەنۋى تۇرعىسىندا وزگەرىستەر ەنگىزەمىز» ، - دەدى ق. وسكەنبايەۆ.

ايتا كەتەيىك، جالپى وتىرىستا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلدادى.

ونىڭ اياسىندا «التىن القا» ، «كۇمىس القا» العاندار نەمەسە بۇرىن «باتىر انا» ، سونداي- اق ءبىرىنشى جانە ەكىنشى دارەجەلى «انا داڭقى» اتاعىن العان كوپبالالى انالار مەن كوپبالالى وتباسىلار ساناتى ءۇشىن تۇرعىن ءۇي الۋعا جەكە كەزەك ەنگىزۋ قاراستىرىلعان.

زاڭ جوباسىندا كەزەكە تۇرعىزىلعان كوپبالالى وتباسىلار مەن كوپبالالى انالار باسپانانى العانعا دەيىن تىزىمنەن شىعارىلمايتىنى كورسەتىلگەن.

«ەگەر دە كوپبالالى وتباسى بۇگىندە كەزەكتە تۇرسا، ولار پاتەر العانعا دەيىن وسى كەزەكتە تۇرا بەرەدى. بالالاردىڭ كەيبىرى كامەلەتكە تولسا دا، بۇل جاعداي اتالعان وتباسىنى كەزەكتەن شىعارۋعا نەگىز بولا المايدى. زاڭ جوباسىنداعى جاڭالىققا توقتالساق، بۇل نورما «التىن القا» ، «كۇمىس القا» العاندار نەمەسە بۇرىن «باتىر انا» ، سونداي- اق ءبىرىنشى جانە ەكىنشى دارەجەلى «انا داڭقى» اتاعىن العان كوپبالالى انالارعا دا تارالادى» ، - دەدى ءماجىلىس دەپۋتاتى شاۆحات وتەمىسوۆ زاڭ جوباسىن تانىستىرۋ بارىسىندا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات