ق ر كاسىپوداقتار فەدەراتسياسى پرەزيدەنت لاۋازىمىنا ءوز كانديداتىن ۇسىندى

نۇر-سۇلتان. قازاقپارات - ق ر كاسىپوداقتار فەدەراتسياسى الداعى پرەزيدەنتتىك سايلاۋعا ءوز كانديداتىن ۇسىندى، دەپ حابارلايدى قازاقپارات ءتىلشىسى.

«نەگىزى اتقارۋ كوميتەتى بىزدەن ەكى ادامنىڭ - مۇحتار تىنىكەيەۆ پەن امانگەلدى تاسپيقوۆتىڭ كانديداتۋراسىن ۇسىنعان بولاتىن. بۇگىن مۇحتار تىنىكەيەۆ سايلاۋعا تۇسۋدەن ءوز ەركىمەن باس تارتتى»، - دەپ حابارلادى قازاقپارات تىلشىسىنە ق ر كاسىپوداقتار فەدەراتسياسى اقپاراتتىق تالداۋ ورتالىعىنىڭ ديرەكتورى سەرىكقالي مۇقاشيەۆ.

ءوز كەزەگىندە مۇحتار تىنىكەيەۆ سايلاۋعا قاتىسۋدان نەلىكتەن باس تارتقانىن جازدى.

«مەن وزدىگىمنەن سايلاۋعا تۇسۋدەن باس تارتتىم. سەبەبى، مەملەكەتتىك ءتىلدى ءبىلۋ دەڭگەيىم وسىناۋ ماڭىزدى لاۋازىمدا بولارلىقتاي جاقسى دەپ ايتا المايمىن. ءبىراق، كاسىپوداقتار فەدەراتسياسىنداعى لاۋازىمىمدا كوپتىڭ ءۇمىتىن اقتاۋعا ۋادە بەرەمىن»، - دەدى تىنىكەيەۆ.