+7 (701) 759 90 19
3 °С : نۇر-سۇلتان
5 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

مينيستر «قالاۋىم» مەن «ءوز ويىم» باعدارلامالارىن جابۋعا قاتىستى پىكىر ءبىلدىردى

24 ءساۋىر 13:59
:ءبولىسۋ
مينيستر «قالاۋىم» مەن «ءوز ويىم» باعدارلامالارىن جابۋعا قاتىستى پىكىر ءبىلدىردى

نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ «Nur Otan» پارتياسىندا قوعامدىق قابىلداۋ وتكىزدى.

قابىلداۋ كەزىندە «كەل، كەلىنىم»، «قالاۋىم» جانە «ءوز ويىم» باعدارلامالاردىڭ ماسەلەسى كوتەرىلدى، دەپ حابارلايدى قازاقپارات ءتىلشىسى.

الماتىدان بەينەبايلانىسقا شىققان جۋرناليست بيبىگۇل ىسقاقوۆا اتالعان جوبالاردىڭ جاستار تاربيەسىنە كەرى اسەر ەتىپ جاتقانىن جەتكىزدى.

«بۇگىندە تەلەارنالار رەيتينگتىڭ قۇلى بولىپ كەتتى. سونىڭ ءبىرى - 7-ارناداعى «ءوز ويىم» باعدارلاماسى. ونى تۇسكى ساعات 15:00 دە كورسەتەدى. ول كەزدە ۇيدە وتىرعان ايەلدەر مەن اپالار كورەدى. بالالار دا كورەدى. ءوزىم كورىپ ەدىم، سۇمدىق باعدارلاما ەكەن. شەتەلدە تالاي رەت بولدىم، تۇسكى ۋاقىتتا ونداي ماسقارانى كورگەن ەمەسپىن. ماسەلەن، رەسەيدەگى «دوم-2» - نىڭ ءوزىن تۇندە كورسەتەدى. ال بىزدەگى «ءوز ويىم» - دى تۇستە كورسەتىپ، جىنىستىق قاتىناس تۋرالى اشىق ايتادى»، - دەدى ب. ىسقاقوۆا.

وسى ورايدا جۋرناليست ناقتى مىسالداردى دا كەلتىرىپ، ونداي باعدارلامالاردىڭ جاستار تاربيەسىنە قانشالىقتى كەرى اسەر ەتەتىنىن جەتكىزدى. بۇگىندە كورەرمەندەر دە ءجيى ارىزدانادى، ونداي جوبالاردىڭ مازمۇنىنا باسا نازار اۋدارۋدى سۇرايدى.

ق ر اقپارات جانە قوعامدىق دامۋ ءمينيسترى داۋرەن ابايەۆ ءوز كەزەگىندە جۋرناليستىڭ ازاماتتىق ۇستانىمىن قۇپتاپ، ونداي سىن-ەسكەرتۋلەردى ءجيى ايتۋ كەرەكتىگىن جەتكىزدى.

«بىرىنشىدەن، بۇل جەكەمەنشىك ارنا. مەن مينيستر رەتىندە تەك تەرروريزم نەمەسە بالالارعا قارسى ءبىر تەرىس كونتەنت بولسا عانا ارالاسىپ، ونداي ۇگىت-ناسيحاتقا اسەر ەتە الامىز. ايتپەسە، تسەنزۋرا بولىپ كەتەدى. ماسەلەن، قازىر سىزدەر ماعان «ءوز ويىم»، «قالاۋىم» سياقتى باعدارلامالاردى نەگە جاپپايسىز دەپ ۇرساسىز دا، ال وسى جەردەن شىققاننان كەيىن مەنى ءسوز بوستاندىعىنا شەكتەۋ قويدى دەپ سىنايدى. سول سەبەپتى بۇل جەردەگى باستى ماسەلە، كورەرمەننىڭ قالاۋى. سەبەبى ءاربىر اتا-انانىڭ قولىندا، بالانىڭ قولىندا تەلەديداردىڭ پۋلتى بار. قانداي باعدارلاما كورەتىنىمىزدى ءوزىمىز تاڭداۋىمىز قاجەت. ەكىنشىدەن، اتا-انالاردىڭ جاۋاپكەرشىلىگى دە بار. بالالار قانداي ارنانى كورىپ وتىر؟ قانداي الەۋمەتتىك جەلىلەردە وتىرادى؟ وسىنى اتا-انالار باقىلاپ وتىرۋى قاجەت»، - دەدى د. ابايەۆ.

ءمينيستردىڭ سوزىنە قاراعاندا، بۇعان دەيىن 7- ارنانىڭ باسشىلىعى مەن باعدارلاما اۆتورلارىمەن كەلىسسوزدەر بولدى. وعان سايكەس، باعدارلامالاردىڭ مازمۇنى دۇرىس بولۋى كەرەك.

«ماسەلەن، «قالاۋىمدى» الايىق، ەندى، مەن ءوزىم كورمەيمىن، ءبىراق ماعان ايتتى، قازىرگى باعدارلامالارى كۇرت وزگەرتىپ جاتىر. وسى «قالاۋىم» باسىندا شىققاندا قانداي بولدى، قازىرگى تاقىرىپتارى باسقاشا. سول سياقتى «ءوز ويىم» دا بىرتە-بىرتە قالىپقا كەلەدى دەپ ويلايمىن»، - دەپ اتاپ كورسەتتى د. ابايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات