اقوردادا قازاقستان مەن ماجارستان باسشىلارىنىڭ جەكە كەزدەسۋى وتۋدە

نۇر- سۇلتان. قازاقپارات - اقوردادا ق ر پرەزيدەنتى قاسىم- جومارت توقايەۆ ەلىمىزگە رەسمي ساپارمەن كەلگەن ماجارستان پرەمەر- ءمينيسترى ۆيكتور وربانمەن جەكە كەزدەسۋ وتكىزىپ جاتىر، دەپ حابارلايدى قازاقپارات ءتىلشىسى.

ايتا كەتەرلىگى، اقورداعا كەلگەن مارتەبەلى مەيماندى قاسىم- جومارت توقايەۆ كۇتىپ الىپ، الدىمەن قازاقستان دەلەگاتسياسىنىڭ مۇشەلەرىمەن تانىستىردى. سودان كەيىن ماجارستان دەلەگاتسياسىنىڭ مۇشەلەرىمەن تانىستى. ودان ءارى ەكى ەلدىڭ مەملەكەتتىك ءانۇراندارى وينالدى.

 قازىرگى ۋاقىتتا مەملەكەت باسشىلارى جەكە كەزدەسۋ وتكىزىپ جاتىر. ودان كەيىن كەڭەيتىلگەن قۇرامداعى كەلىسسوزدەردىڭ وتەتىندىگى جوسپارلانعان. ونىڭ قورىتىندىسى بويىنشا ق ر پرەزيدەنتى قاسىم- جومارت توقايەۆ پەن ماجارستان پرەمەر- ءمينيسترى ۆيكتور ورباننىڭ ب ا ق وكىلدەرىنە بىرلەسكەن مالىمدەمە جاسايتىندىعى كۇتىلەدى.

ەستەرىڭىزگە سالا كەتسەك، كەشە ق ر پرەمەر- ءمينيسترى اسقار مامين ماجارستان پرەمەر- ءمينيسترى ۆيكتور وربانمەن كەزدەسكەن بولاتىن.

اۆتور: مارلان جيەمباي