بۇگىن «اق جول» پارتياسىنان پرەزيدەنتتىككە ۇمىتكەر انىقتالادى
«2019 -جىلى 24 - ءساۋىر كۇنى قازاقستاننىڭ «اق جول» دەموكراتيالىق پارتياسىنىڭ كەزەكتەن تىس XV قۇرىلتايى وتەدى. قۇرىلتاي 2019 -جىلدىڭ 9 - ماۋسىمىنداعى پرەزيدەنتتىك سايلاۋعا قاتىسۋ جانە پارتيا اتىنان ۇمىتكەرلەردى ۇسىنۋ ماسەلەلەرىن قاراستىرادى»، - دەلىنگەن حابارلامادا.
بۇعان دەيىن «اقجولدىقتار» مەملەكەت باسشىسىنىڭ مەرزىمىنەن بۇرىن پرەزيدەنتتىك سايلاۋ جونىندەگى باستاماسىن قولداعان بولاتىن.13 - ساۋىردە قازاقستاننىڭ دەموكراتيالىق پارتياسى ورتالىق كەڭەسىنىڭ پلەنۋمى ءوتتى.
«جارعىعا سايكەس، پارتيانىڭ سايلاۋعا قاتىسۋى جانە پرەزيدەنت سايلاۋىنا ۇمىتكەرلەردى ۇسىنۋ تۋرالى شەشىمدى تەك جوعارعى ورگان - سەزد قابىلدايدى. وسىعان بايلانىستى، ورتالىق كەڭەستىڭ پلەنۋمى سەزدىڭ وتەتىن كۇنىن 24 - ساۋىرگە بەلگىلەدى. سونداي- اق، دەلەگاتتار وكىلدىكتەرىنىڭ نورماسىن بەكىتىپ، ۇيىمداستىرۋ ماسەلەلەرى بويىنشا ءبىرقاتار قاۋلى قابىلدادى» دەلىنگەن حابارلامادا.
ەسكە سالا كەتسەك، 9 - ساۋىردە رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم- جومارت توقايەۆ ەلىمىزدىڭ كونستيتۋتسياسىنا سايكەس ق ر پرەزيدەنتىنىڭ كەزەكتەن تىس سايلاۋىن 2019 -جىلدىڭ 9 - ماۋسىمىندا وتكىزۋ جونىندە شەشىمىن جاريالادى.
اۆتور: ايجان سەرىكجان قىزى