+7 (701) 759 90 19 Лента
7 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

قازاق مادەنيەتىن جاھانعا تانىتۋ باستى ماقساتىمىز - شەتەلدىك عالىم

24 ءساۋىر 08:41 311
:ءبولىسۋ
قازاق مادەنيەتىن جاھانعا تانىتۋ باستى ماقساتىمىز - شەتەلدىك عالىم

تالدىقورعان. قازاقپارات - قازاق مادەنيەتىن جاھانعا تانىتۋ - باستى ماقساتىمىز. تالدىقورعاندا ءوتىپ جاتقان «جاھانداعى زاماناۋي قازاقستاندىق مادەنيەتتى ىلگەرلەتۋ» اتتى 1- حالىقارالىق عىلىمي-پراكتيكالىق كونفەرەنتسياعا قاتىسىپ جاتقان پاريجدىك پروفەسسور ولگا كيسەليەۆا وسىلاي دەدى، - دەپ حابارلايدى قازاقپارات ءتىلشىسى.

«ءبىز الەمدىك زامانۋي ونەرگە ءالى كىرە قويماعان ەلدەرمەن جۇمىس ىستەيمىز. بۇعان دەيىن قىتاي، جاڭا زەلانديا، كورەيا، ۋكراينا سىندى ەلدەردە الەمگە تانىلعان مادەني جوبالاردى جۇزەگە اسىرۋعا اتسالىستىق. كوركەمدىك جوبالارىمىزدىڭ ىشىندە قىتاي ەلىندە العاش ونەرى بويىنشا كوممۋنيكاتسيالار مەن ۋكرايناداعى حولوكوستقا ارنالعان ۇلكەن ەسكەرتكىشتى اتاپ وتۋگە بولادى»، - دەدى پاريجدەگى سوربوننا ۋنيۆەرسيتەتىنىڭ پروفەسسورى ولگا كيسەليەۆا.

ەندى شەتەلدىك قوناقتار ءۇش كۇن بويى قازاقستاندا تاعى قانداي ۇتىمدى جوبالاردى ىسكە اسىرۋعا بولاتىنىن زەردەلەيدى.

«تالدىقورعان قالاسىنا  ۇلى بريتانيانىڭ، فرانسيانىڭ، گەرمانيانىڭ جانە ت د م ەلدەرىنىڭ ۇزدىك ۋنيۆەرسيتەتتەرىنىڭ پروفەسسورلارى مەن مادەنيەتتانۋشى ازاماتتارىن، سپيكەرلەرىن شاقىردىق. ولار وزدەرىنىڭ مادەنيەتىن ەۋروپا، الەم كولەمىندە قالاي ناسيحاتتاپ جاتقانىن كورسەتۋدە»، دەدى الماتى وبلىستىق ىشكى ساياسات باسقارماسىنىڭ باسشىسى رۋستام الپىسبايەۆ.

حالىقارالىق كونفەرەنتسياعا شەتەلدىك قوناقتاردان وزگە، ەلىمىزدىڭ ءار وبلىسىنداعى رۋحاني جاڭعىرۋ ورتالىقتارىنىڭ وكىلدەرى دە قاتىسۋدا.

ەستەرىڭىزگە سالا كەتەيىك، وسىعان دەيىن تالدىقورعاندا ەلباسىنىڭ باعدارلامالىق ماقالاسى اياسىندا حالىقارالىق كونفەرەنسيا باستالعانىن حابارلاعان بولاتىنبىز.


:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات