الماتى وبلىسىنىڭ پوليتسەيلەرى ەكى جىل ىزدەۋدە بولعان كۇدىكتىنى قولعا ءتۇسىردى
جاڭا ستاديون ماڭىندا قىدىرىپ جۇرگەن وتباسى ءبىر توپ جاستىڭ داۋلاسىپ جاتقانىن بايقايدى. كولىكتەرىنە ءمىنىپ، جىلدام كەتىپ قالۋعا ارەكەتتەنگەن كەزدە ەكى رەت مىلتىق اتىلىپ، بىتىرانىڭ قاڭعىرعان وعى الدىڭعى ورىندىقتا وتىرعان 10 جاستاعى جاس ءوسپىرىم قىزدىڭ باسىنا تيەدى. اتا-اناسى ونى جەدەل تۇردە قالالىق اۋرۋحاناعا جەتكىزگەن.
«وسى بۇزاقىلىق دەرەگىنە قاتىسى بار دەگەن كۇدىككە ىلىنگەن 1990-جىلعى تالدىقورعان قالاسىنىڭ تۇرعىنىنا ىزدەۋ جاريالانعان. «قۇقىقتىق ءتارتىپ» جەدەل الدىن الۋ ءىس-شاراسى بارىسىندا كۇدىكتى الماتى قالاسىندا ۇستالىپ، قاپشاعاي قالاسى پوليتسياسىنىڭ ۋاقىتشا ۇستاۋ وقشاۋلاعىشىنا قاماۋعا الىندى»، - دەپ مالىمدەدى وبلىستىق پوليتسيا دەپارتامەنتىنىڭ باسپا ءسوز قىزمەتى.
ۆەدومستۆو تاراتقان اقپاراتقا سايكەس، دەرەك بويىنشا ق ر قىلمىستىق كودەكسىنىڭ 293-بابىنا وراي سوتقا دەيىنگى تەرگەۋ امالدارى جۇرگىزىلۋدە. زارداپ شەگۋشى جاس ءوسپىرىم دارىگەرلەر كومەگىنەن كەيىن ۇيىنە جىبەرىلدى.