قازاقستاننىڭ ايەلدەر كومانداسى ەستافەتادان ازيا چەمپيوناتىندا كۇمىس مەدال الدى

نۇر-سۇلتان. قازاقپارات - كاتار استاناسى دوحادا ءوتىپ جاتقان جەڭىل اتلەتيكادان ازيا چەمپيوناتىندا ايەلدەر اراسىنداعى ەستافەتا اياقتالدى دەپ حابارلايدى Olympic.kz.

قازاقستان كومانداسى اتالعان سىندا كۇمىس جۇلدەگەر اتاندى. ەل نامىسىن ەلينا ميحينا، ولگا سافرونوۆا، سۆەتلانا گولەندوۆا مەن ريما كاشافۋتدينوۆا قورعاعان بولاتىن. ءبىزدىڭ كوماندا 400 مەتردى 43.36 سەكۋندتا جۇگىرىپ ءوتتى.

قىزدار اراسىنداعى ەستافەتادا قىتاي قۇراماسى جەڭىسكە جەتتى.

سونداي-اق، ەستافەتاشىلاردىڭ ءىزىن الا نادەجدا دۋبوۆيتسكايا بيىكتىككە سەكىرۋدەن ەكىنشى ورىندى يەلەندى. ول 1.88 مەتردى باعىندىرىپ، وزبەكستاندىق اتلەتكە جول بەردى.

ايتا كەتەلىك، ولگا سافرونوۆا 100 مەترگە جۇگىرۋدەن ازيانىڭ التىن مەدالىن تاقتى. ەلينا ميحينا (400 مەتر) كۇمىس، ميحايل ليتۆين (400 مەتر)، مارگاريتا مۋكاشيەۆا (800 مەتر)، يۆان يۆانوۆ (يادرو لاقتىرۋ) جۇلدەگەرلەر قاتارىندا.