نۇرسۇلتان نازاربايەۆ ەلوردانى دامىتۋ جوسپارىمەن تانىستى

None
None
نۇر-سۇلتان. قازاقپارات - قالا اكىمى باقىت سۇلتانوۆ نۇرسۇلتان نازاربايەۆقا ەلوردانى ودان ءارى دامىتۋ جانە قالا قۇرىلىسىن جۇرگىزۋ جوسپارى جونىندە مالىمەت بەردى، دەپ حابارلايدى قازاقپارات تۇڭعىش پرەزيدەنتتىڭ باسپا ءسوز قىزمەتىنە سىلتەمە جاساپ.

ەلباسى تۇرعىندار ءۇشىن قولايلى جاعدايلار جاساۋدىڭ جانە الەۋمەتتىك ينفراقۇرىلىمنىڭ قول جەتىمدىلىگىن قامتاماسىز ەتۋدىڭ ماڭىزدىلىعىن اتاپ ءوتتى.

سونىمەن قاتار، قازاقستاننىڭ تۇڭعىش پرەزيدەنتى ەلوردانى ودان ءارى دامىتۋ ءىسىن الەمدىك تاجىريبەنى جانە قالا قۇرىلىسىنداعى زاماناۋي ترەندتەردى ەسكەرە وتىرىپ جالعاستىرۋ قاجەتتىگىن ايتتى.

نۇرسۇلتان نازاربايەۆ ەلوردانى گازبەن قامتۋ جانە قالا كوشەلەرىن كوگالداندىرا ءتۇسۋ ۇدەرىسىنە ەرەكشە توقتالدى.

سونداي-اق، قالا كوشەلەرىندەگى كولىك جۇكتەمەلەرىن تومەندەتۋ، جاياۋ جۇرگىنشىلەردىڭ قاۋىپسىزدىگى، ەكولوگيالىق پروبلەمالاردى شەشۋ جانە بوتانيكالىق ساياباقتى دامىتۋ ماسەلەلەرىنە باسا ءمان بەرىلدى.

Нұрсұлтан Назарбаев елорданы дамыту жоспарымен танысты

سوڭعى جاڭالىقتار