+7 (701) 759 90 19 Лента
1 °С : استانا
12 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

توقايەۆ مەملەكەتتىك تىلدەن ەمتيحاندى قالاي تاپسىردى

23 ءساۋىر 19:16 448
:ءبولىسۋ
توقايەۆ مەملەكەتتىك تىلدەن ەمتيحاندى قالاي تاپسىردى

 نۇر- سۇلتان. قازاقپارات - ق ر پرەزيدەنتتىگىنە كانديداتتىڭ مەملەكەتتىك ءتىلدى ەركىن مەڭگەرگەنىن انىقتايتىن لينگۆيستيكالىق كوميسسيا ءتوراعاسى مىرزاتاي جولداسبەكوۆ «Nur Otan» پارتياسىنىڭ اتىنان كانديدات قاسىم- جومارت توقايەۆتىڭ ەمتيحان ناتيجەسىن جاريا ەتتى، دەپ حابارلايدى قازاقپارات ءتىلشىسى.

«وزدەرىڭىز بىلەسىزدەر، «Nur Otan» پارتياسى ۇسىنعان ۇمىتكەر قاسىم- جومارت كەمەل ۇلى توقايەۆ بۇگىن كەلىپ ەمتيحان تاپسىردى. ەكى ساعاتتىڭ دەڭگەيىندە ءبىزدىڭ ورتامىزدا بولدى. ەرەجەگە سايكەس ەمتيحان تاپسىردى. ءبىرىنشى جازبا جۇمىسىنىڭ تاقىرىبى - «اباي قۇنانباي ۇلىنىڭ پوەزياسى مەن قارا سوزدەرى» . ەكىنشى ءماتىن وقۋعا شەرحان مۇرتازانىڭ «مىڭبۇلاق» اڭگىمەلەر مەن حيكاياتتار جيناعىن تاڭداپ الدى. ءۇشىنشىسى ول كىسىنىڭ جانىنا جاقىن «قازىرگى قازاقستاننىڭ گەوساياساتى» تاقىرىبى بولدى» ، - دەدى مىرزاتاي جولداسبەكوۆ.

 
توقايەۆ مەملەكەتتىك تىلدەن ەمتيحاندى قالاي تاپسىردى

ونىڭ ايتۋىنشا، پرەزيدەنتتىككە ۇمىتكەردەن ەمتيحان الۋعا كوميسسيانىڭ مۇشەلەرى تولىق قاتىسىپ، وزدەرىنىڭ پىكىرلەرىن اشىق ايتقان.

 «ءبىرىنشى شىعارما جازعاندا ابايدىڭ پوەزياسى، قارا سوزدەرى، ونىڭ جالپى حالىققا بەرەتىن ماڭىزى تۋرالى بۇگىنگى ۇمىتكەرىمىز تەرەڭ تولعاعان. وتە ادەمى جۇمىس. ءبىز بۇل جۇمىستان بىردە- ءبىر قاتە كورگەنىمىز جوق. شەرحان مۇرتازانىڭ «مىڭبۇلاق» اڭگىمەلەر مەن حيكاياتتار جيناعىنىڭ ءۇش بەتىن وقىدى. مانەرلەپ، ىرعاعىمەن وتە ادەمى وقىپ بەردى. ال «قازىرگى قازاقستاننىڭ گەوساياساتى» جايىندا كەڭ تولعادى، تەرەڭ سويلەدى. جالپى ءبىزدىڭ لينگۆيستيكالىق كوميسسيانىڭ بەرگەن قورىتىندىسى قاسىم- جومارت كەمەل ۇلى توقايەۆ مەملەكەتتىك ءتىلدى تولىق، جان- جاقتى مەڭگەرگەن» ، - دەدى كوميسسيا ءتوراعاسى.


:ءبولىسۋ

اأتور:

novasa

ونلاين قىزمەتكەرلەر
مۇراعات