توقايەۆ ب ق و اكىمىنە وبلىس پەن ورال قالاسىن دامىتۋ جونىندە تاپسىرما بەردى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ كەشە باتىس قازاقستان وبلىسىنىڭ اكىمى التاي كولگىنوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسىنا ءوڭىردىڭ نەگىزگى الەۋمەتتىك- ەكونوميكالىق دامۋ كورسەتكىشتەرى مەن تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان تاپسىرمالاردىڭ ورىندالۋ بارىسى تۋرالى باياندالدى.

قاسىم- جومارت توقايەۆ از قامتىلعان جانە كوپبالالى وتباسىلاردى قولجەتىمدى ءارى ساپالى تۇرعىن ۇيمەن قامتۋ بويىنشا جۇيەلى جۇمىس جۇرگىزۋدىڭ ماڭىزدى ەكەنىن ايتتى. كەزدەسۋ بارىسىندا شالعاي اۋدانداردى اۋىز سۋمەن قامتاماسىز ەتۋ، جول- كولىك ينفراقۇرىلىمىن جاقسارتۋ ماسەلەلەرىنە باسا ءمان بەرىلدى.

 پرەزيدەنت باتىس قازاقستان وبلىسى مەن ورال قالاسىن ودان ءارى دامىتۋ جونىندە ءبىرقاتار ناقتى تاپسىرمالار بەردى.