فۋتبول: ەلوردادا شەتەلدىك قازاق جاستارىنىڭ قاتىسۋىمەن تۋرنير وتەدى
بۇل باسەكەنى «وتانداستار قورى» ك ە ا ق جانە دۇنيەجۇزىلىك قازاقتار قاۋىمداستىعى ۇيىمداستىرىپ وتىر.
تۋرنير قازاقستان رەسپۋبليكاسىنىڭ مادەنيەت جانە سپورت مينيسترلىگى سپورت كوميتەتى جانە ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن وتكىزىلمەك.
ايتا كەتەر جايت، بيىلعى، بەسىنشى رەت ۇيىمداستىرىلاتىن الا دوپ باسەكەسى جاستار جىلىنا ارنالادى.
دوپ دوداسىنا قانداستارىمىز ءجيى قونىستانعان موڭعوليا، قىتاي، وزبەكستان، تۇركيا، اۋعانستان، يران، رەسەي، قىرعىزستان ءتارىزدى الىس تا جاقىن شەت ەلدەرمەن قاتار استانا، الماتى، شىمكەنت قالالارىنان جانە وبلىستاردان بارلىعى 30 عا جۋىق كوماندالار قاتىسادى دەپ كۇتىلۋدە.
اتالعان شارا بۇقارالىق سپورتتى دامىتۋ، وسكەلەڭ ۇرپاقتى پاتريوتتىق رۋحتا تاربيەلەۋ، ولاردى وتانسۇيگىشتىككە باۋلۋ جانە وتانداستارىمىزعا تاريحي وتانىنا ورالۋىنا ىقپال ەتە وتىرىپ، ەلىمىزدىڭ جەتىستىكتەرىن كورسەتۋ ماقساتىندا وتكىزىلمەك.
شارانىڭ جۇلدە قورى 3 ميلليون تەڭگەنى قۇرايدى. كوماندالاردى جۇپتاۋ 26 - ءساۋىر، ساعات 16:00 - دە وتانداستار قورىندا (قونايەۆ كوشەسى، 12/1) جۇرگىزىلەدى. ءتۋرنيردىڭ باستالۋى 27 - ءساۋىر، ساعات 9:00 دە، جاس- باتىر سپورت كەشەنىندە (كونستيتۋتسيا كوشەسى، 3) وتەدى.
اۆتور: ريزابەك نۇسىپبەك ۇلى