تاجىك مولداسى: ينتەرنەت - عاسىر ىندەتى، وباسى

نۇر-سۇلتان. قازاقپارات - ول ينتەرنەت اقىسىنىڭ قىمباتتاۋىن قولداپ وتىر.

تاجىك مولداسى ەشوني سيرودجيددين ابدۋراحمونوۆ YouTube جەلىسىندەگى كانالىنا 18 مينۋتتىق ۆيدەو جۇكتەپ، وندا ءتۇرلى وي بىلدىرگەن.

سونىڭ ىشىندە ول ينتەرنەتتى «عاسىر ىندەتى، وباسى» دەپ اتاعان. ول سونداي- اق مەملەكەتتىڭ ينتەرنەت اقىسىن كوتەرگەنىن قولداپ وتىر. «ءوز ۋاقىتتارىڭدى بوسقا جىبەرمەڭدەر» دەيدى مولدا.

تاجىكستاننىڭ انتيمونوپوليالىق قىزمەتى 2019 -جىلدىڭ 4 -ناۋرىزىنان باستاپ 1 م ب-قا 5 ديرامنان تولەۋدى مىندەتتەگەن ەدى. ال 18 -ساۋىردەن باستاپ 1 گيگابايت ينتەرنەت $6,3 دوللار بولدى. بۇل بۇرىنعىسىنان 50 پايىزعا قىمبات.

تاجىك مولداسى «ينتەرنەت تاجىكستان ءۇشىن كوپتەگەن جاماندىقتار كوزى بولىپ تابىلادى» دەپ سانايدى. ول كوزگە ءشوپ سالۋ، زورلىق-زومبىلىق، قاقتىعىستار مەن پاتشاعا قارسى شىعۋ، باعىنباۋشىلىققا اكەلەتىن جاماندىق دەيدى.

«مەن قارىنداستارىم مەن ىنىلەرىمە ايتارىم، ينتەرنەتتە بوسقا ۋاقىت جىبەرمەي، التىن ۋاقىتتى باعالاڭدار دەگىم كەلەدى»، - دەيدى ەشوني سيرودجيددين.