قىتايدا ەكى قازاق بالۋانى ەركىن كۇرەستەن ازيا چەمپيوناتىنىڭ فينالىنا ءوتتى

نۇر-سۇلتان. قازاقپارات - بۇگىن قىتايدىڭ سيان قالاسىندا كۇرەس تۇرلەرىنەن ازيا چەمپيوناتى باستالدى. العاش بولىپ ەركىن كۇرەس بالۋاندارى ءوزارا مىقتىلاردى انىقتاپ جاتىر، دەپ حابارلايدى قازاقپارات.

ق ر ۇلتتىق وليمپيادالىق كوميتەتىنەن ءمالىم ەتكەندەي، 57 كەلىدەگى مەيرامبەك قارتباي ۇندىلىك سپورتشىدان ۇتىلىپ، جارىستى اياقتادى.

65 كەلىدەگى ساياتبەك وقاسوۆ قۇرلىق دوداسىنىڭ فينالىندا كۇرەسەدى. ول ىرىكتەۋ كەزەڭدەرىندە باحرەين، قىرعىزستان جانە سولتۇستىك كورەيا سپورتشىلارىنان باسىم بولدى.

سونداي-اق 70 كەلىدەگى نۇرقوجا قايپانوۆ يراك، تۇرىكمەنستان جانە يران بالۋاندارىنان باسىم ءتۇسىپ، فينالعا جولداما الدى.

79 كەلىدە بەلدەسەتىن عالىمجان وسەربايەۆ تاجىكستان مەن وزبەكستان بالۋاندارىن جەڭگەنىمەن، جارتىلاي فينالدا ۇندىلىك بالۋانعا ەسە جىبەردى. كەشكى سەسسيادا وسەربايەۆ قولا مەدال ءۇشىن تالاسادى.