مەن بۇل شەشىمگە ءۇش جىل دايىندالدىم - نۇرسۇلتان نازاربايەۆ

نۇر- سۇلتان. قازاقپارات - ق ر تۇڭعىش پرەزيدەنتى - ەلباسى نۇرسۇلتان نازاربايەۆ پرەزيدەنتتىك وكىلەتتىلىگىن توقتاتۋعا قالاي دايىندالعانىن ايتتى، دەپ حابارلايدى قازاقپارات ءتىلشىسى.

«مەن سانالى شەشىم جاسادىم. ونداي شەشىمدەر ءبىر كۇندە قابىلدانبايدى. ءبىر اي دا از. مەن وسى شەشىمگە بىرنەشە جىل دايىندالدىم. قۇپياسىن اشسام، ءۇش جىلدان استام ۋاقىت دايىندالدىم. ءبارىن جان- جاقتى زەردەلەدىم. بولاشاقتى باعامداپ، وتكەندى سارالادىم. سەرىكتەستەرىمنىڭ كادرلارىنا زەر سالدىم. وسى ۋاقىتقا دەيىن ءبارىن تاربيەلەپ، اربىرەۋىنە سەنىم ارتتىم. ءسويتىپ، وسىنداي شەشىمگە كەلدىم. وسى شەشىم دۇرىس دەپ بىلەمىن. قاسىم- جومارت توقايەۆتى پرەزيدەنت رەتىندە سايلايىق تا، وعان قولداۋ كورسەتەيىك. مەن وسى ۋاقىتقا دەيىن حالىقتىڭ سەنىمىن اقتاسام، مەن - باقىتتى اداممىن، باقىتتى ساياساتكەرمىن»، - دەدى ن. نازاربايەۆ «Nur Otan»  پارتياسىنىڭ كەزەكتەن تىس XIX سەزىندە.

 ايتا كەتەيىك، بۇگىن ەلباسى «Nur Otan»  پارتياسىنان ق ر پرەزيدەنتتىگىنە ۇمىتكەر رەتىندە قاسىم- جومارت توقايەۆتىڭ كانديداتۋراسىن ۇسىندى. بۇدان بولەك، نۇرسۇلتان نازاربايەۆ «Nur Otan»  پارتياسىنىڭ كانديداتىن قولداۋعا قاتىستى تاپسىرمالار بەردى.

اۆتور: ارمان اسقاروۆ