ءداستۇر ساباقتاستىعىن ساقتاي وتىرىپ، قارقىندى دامۋدى جالعاستىرۋعا بار كۇشىمدى سالامىن - توقايەۆ

 نۇر- سۇلتان. قازاقپارات - مەن ءداستۇر ساباقتاستىعىن ساقتاي وتىرىپ، يگىلىك جانە ادىلەت جولىن تۋ ەتىپ، قارقىندى دامۋدى جالعاستىرۋعا بار كۇشىمدى سالامىن.

 بۇل تۋرالى بۇگىن «Nur Otan» پارتياسىنىڭ كەزەكتەن تىس  ⅩⅨ سيەزىندە پارتيا اتىنان ق ر پرەزيدەنتتىگىنە كانديدات رەتىندە بەكىتىلگەن قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

مەملەكەت باسشىسى «Nur Otan» پارتياسى كوپ ۇلتتى قوعامىمىزدىڭ بىرلىگىن نىعايتۋ جولىندا ايانباي ەڭبەك ەتىپ، قازاقستاندى دامىتۋ جولىنداعى يگى ىستەرگە بارشا حالقىمىزدى جۇمىلدىراتىندىعىن باسا ايتتى.

«تاريحتىڭ جاڭا تاراۋىن باستاعان ەگەمەن ەلىمىز تاعى ءبىر ماڭىزدى كەزەڭنىڭ الدىندا تۇر. ەلباسىنىڭ پاراساتتى پايىمى ەل جىلناماسىندا جاسامپازدىقتىڭ جارقىن پاراعىن اشتى. وسىنداي اسا جاۋاپتى ساتتە ەلباسىنىڭ سەنىمى، پارتيانىڭ قولداۋى ماعان ەرەكشە كۇش- قۋات بەرەدى. مەن ءداستۇر ساباقتاستىعىن ساقتاي وتىرىپ، يگىلىك جانە ادىلەت جولىن تۋ ەتىپ، قارقىندى دامۋدى جالعاستىرۋعا بار كۇشىمدى سالامىن. بارشاڭىزعا كوپ راحمەت»، - دەدى قاسىم- جومارت توقايەۆ.

اۆتور: رۋسلان عابباسوۆ