قاسىم- جومارت توقايەۆتىڭ كانديداتۋراسىن «نۇر-وتان» پارتياسى قولدادى

نۇر- سۇلتان. قازاقپارات - «Nur Otan» پارتياسى قاسىم- جومارت توقايەۆتىڭ كانديداتۋراسىن ءبىراۋىزدان قولدادى، دەپ حابارلايدى قازاقپارات ءتىلشىسى.

ايتا كەتەيىك، پارتيا سيەزىنىڭ جۇمىسىنا ق ر پرەزيدەنتى قاسىم- جومارت توقايەۆ، پارلامەنت پالاتالارىنىڭ ءتوراعالارى داريعا نازاربايەۆا مەن نۇرلان نىعماتۋلين، پرەمەر- مينيستر اسقار مامين، ۇكىمەت مۇشەلەرى، دەپۋتاتتار، وبلىستاردىڭ، رەسپۋبليكالىق ماڭىزى بار قالالاردىڭ اكىمدەرى، ديپلوماتيالىق كورپۋس وكىلدەرى، وڭىرلەردەن كەلگەن 627 دەلەگات، جالپى 1500-دەن استام ادام قاتىسىپ وتىر.

 ايتا كەتەرلىگى، 10 - ساۋىردە ەلباسى «Nur Otan» پارتياسىنىڭ كەزەكتەن تىس  ⅩⅨ سيەزىن شاقىرۋ تۋرالى قاۋلىعا قول قويدى. سول كۇنى نۇرسۇلتان نازاربايەۆ پارتيانىڭ ورتالىق اپپاراتى قۇرىلىمدىق بولىمشەلەرىنىڭ جەتەكشىلەرىمەن كەڭەس وتكىزدى.

اۆتور: ارمان اسقاروۆ