ماعان پرەزيدەنتتىك سايلاۋعا قايتادان تۇسۋگە ۇسىنىس جاسالۋدا - نۇرسۇلتان نازاربايەۆ

نۇر- سۇلتان. قازاقپارات - ق ر تۇڭعىش پرەزيدەنتى - ەلباسى نۇرسۇلتان نازاربايەۆ قازاقستان حالقىنا ءوز العىسىن جەتكىزدى، دەپ حابارلايدى قازاقپارات ءتىلشىسى.

«مەنىڭ پرەزيدەنتتىك وكىلەتتىلىگىمدى توقتاتۋعا قاتىستى ۇندەۋىم قازاقستاندىقتار ءۇشىن كۇتپەگەن شەشىم بولدى. كەيبىر ادامدار بۇل مالىمدەمەمدى وكىنىشپەن قارسى الدى. ءتىپتى، ماعان تۇسكەن حاتتاردىڭ ىشىندە پرەزيدەنتتىك سايلاۋعا قايتادان تۇسۋگە ۇسىنىس جاساپ جاتىر. مەن بارلىعىنا العىس ايتامىن. وسى قوبالجۋدىڭ ساياسي استارىن دا ءتۇسىنىپ وتىرمىن. ادامدار بولاشاق ءۇشىن الاڭدايدى. تۇراقتىلىق پەن تىنىشتىقتى قالايدى. ۇلتارالىق كەلىسىمنىڭ ساقتالعانىن تىلەيدى. حالىققا ىزگى نيەتى ءۇشىن، ماحابباتى ءۇشىن، قۇرمەتى ءۇشىن باسىمدى ءيىپ، زور ريزاشىلىعىمدى بىلدىرەمىن»، - دەدى ن. نازاربايەۆ «Nur Otan» پارتياسىنىڭ كەزەكتەن تىس XIX سەزىندە.

ەلباسى پرەزيدەنتتىك وكىلەتتىگىن توقتاتقاندا دۇرىس شەشىم جاساعانىنا تاعى ءبىر مارتە توقتالدى. وسى ورايدا، نۇرسۇلتان نازاربايەۆ «Nur Otan» پارتياسىنىڭ اتىنان پرەزيدەنتتىك سايلاۋعا تۇسەتىن قاسىم- جومارت توقايەۆقا تولىعىمەن سەنەتىنىن جەتكىزدى. «قاسىم- جومارت كەمەل ۇلى توقايەۆ بارلىق قازاقستاندىقتاردىڭ تەڭ قۇقىقتارى مەن ءوزارا دوستىق ساياساتىن ساقتايتىن ادام ەكەنىن سەنىمدى تۇردە ايتا الامىن»، - دەپ اتاپ كورسەتتى ن. نازاربايەۆ.

 ايتا كەتەيىك، بۇگىن ەلباسى «Nur Otan» پارتياسىنان ق ر پرەزيدەنتتىگىنە ۇمىتكەر رەتىندە قاسىم- جومارت توقايەۆتىڭ كانديداتۋراسىن ۇسىندى. بۇدان بولەك، نۇرسۇلتان نازاربايەۆ «Nur Otan» پارتياسىنىڭ كانديداتىن قولداۋعا قاتىستى تاپسىرمالار بەردى.

اۆتور: ارمان اسقاروۆ