جەڭىسكە جەتەتىنىمىزگە سەنىمدىمىن - نۇرسۇلتان نازاربايەۆ
«سايلاۋدىڭ قورىتىندىسى بويىنشا «Nur Otan» پارتياسى جەتەكشى ساياسي پارتيا رەتىندە ءوزىنىڭ مارتەبەسىن كۇشەيتۋى كەرەك. مەن جەڭىسكە جەتەتىنىمىزگە سەنىمدىمىن. سەبەبى ءبىزدىڭ العان باعىتىمىز دۇرىس. ال حالىق بىزگە سەنەدى. ەل ازاماتتارى بىزگە ءارقاشان سەنۋى كەرەك. سوعان جۇمىس ىستەۋىمىز قاجەت. بارلىعىنا تەك ساتتىلىك تىلەيمىن! العا «Nur Otan»، العا قازاقستان!»، - دەدى ەلباسى پارتيانىڭ كەزەكتەن تىس XIX سەزىندە.
ايتا كەتەيىك، سەزد كەزىندە ەلباسى «Nur Otan» پارتياسىنىڭ كانديداتىن قولداۋعا قاتىستى تاپسىرمالار بەردى. «بىزگە ۇلكەن جۇمىستى اتقارۋ قاجەت. سايلاۋدا پارتيانىڭ بەدەلى، وعان دەگەن حالىقتىڭ سەنىمى كورىنەدى. «Nur Otan» پارتياسىنا بەلسەندى ءارى سەنىمدى سايلاۋ ناۋقانىن وتكىزۋ كەرەك. الدىمەن رەسپۋبليكالىق سايلاۋ شتابىنىڭ جۇمىسىن ۇيىمداستىرۋ قاجەت. بىزدە ول جاعىنان تاجىريبە بار. ونى قالاي ۇيىمداستىرۋ قاجەتتىگىن بىلەمىز. مەنىڭشە، ءبىز ول جۇمىستى ابىرويمەن اتقارىپ شىعامىز»، - دەدى ن. نازاربايەۆ.
ەلباسىنىڭ ايتۋىنشا، سەنىمدى ادامداردىڭ قاتارىنا تانىمال قوعام قايراتكەرلەرى كىرۋى ءتيىس. ال ۇگىت-ناسيحات جۇمىستارى كەزىندە جاڭا كوممۋنيكاتسيا قۇرالدارى مەن ساياسي تەحنولوگوگيالاردى قولدانۋ قاجەت. وسى ورايدا شەتەلدىك تاجىريبەنى دە زەردەلەپ شىققان ءجون. «ەلىمىزدىڭ باسقا دا ايماقتارىندا ءتيىستى شتابتار جۇمىس ىستەيتىن بولادى. كانديداتىمىزدى قولداۋ ءۇشىن قىسقا ۋاقىتتىڭ ىشىندە قاجەتتى داۋىستى جيناۋ كەرەك. پارتيانىڭ بارلىق رەسۋرستارىن سايلاۋ ناۋقانىنا سالۋ قاجەت. وسى جۇمىسقا بارلىق فيليالدار اتسالىسۋى ءتيىس. ساياسي كەڭەستىڭ مۇشەلەرى دە، بيۋرو قىزمەتكەرلەرى دە تىس قالماۋى قاجەت. ءدال وسى ۋاقىتتا بىزگە ساياسي كەڭەستىڭ الەۋەتىن بارىنشا پايدالانعان ءجون. ادامدارمەن كەزدەسۋ كەرەك. باعدارلامامىزدىڭ نەگىزگى مىندەتتەرىن ءتۇسىندىرۋ كەرەك. دۇرىس تاڭداۋ جاساۋعا ۇندەۋىمىز كەرەك»، - دەپ اتاپ كورسەتتى ق ر تۇڭعىش پرەزيدەنتى.
ايتا كەتەيىك، وسى ۋاقىتتا ەلوردادا ق ر تۇڭعىش پرەزيدەنتى- ەلباسى، «Nur Otan» پارتياسىنىڭ ءتوراعاسى نۇرسۇلتان نازاربايەۆتىڭ جەتەكشىلىگىمەن پارتيانىڭ كەزەكتەن تىس ⅩⅨسەزى ءوتىپ جاتىر.