نۇرسۇلتان نازاربايەۆ «نۇر وتان» پارتياسىنىڭ كانديداتىن قولداۋعا قاتىستى تاپسىرما بەردى
«بىزگە ۇلكەن جۇمىستى اتقارۋ قاجەت. سايلاۋدا پارتيانىڭ بەدەلى، وعان دەگەن حالىقتىڭ سەنىمى كورىنەدى. «Nur Otan» پارتياسىنا بەلسەندى ءارى سەنىمدى سايلاۋ ناۋقانىن وتكىزۋ كەرەك. الدىمەن رەسپۋبليكالىق سايلاۋ شتابىنىڭ جۇمىسىن ۇيىمداستىرۋ قاجەت. بىزدە ول جاعىنان تاجىريبە بار. ونى قالاي ۇيىمداستىرۋ قاجەتتىگىن بىلەمىز. مەنىڭشە، ءبىز ول جۇمىستى ابىرويمەن اتقارىپ شىعامىز»، - دەدى ن. نازاربايەۆ پارتيانىڭ كەزەكتەن تىس XIX سەزىندە.
ەلباسىنىڭ ايتۋىنشا، سەنىمدى ادامداردىڭ قاتارىنا تانىمال قوعام قايراتكەرلەرى كىرۋى كەرەك. ال ۇگىت-ناسيحات جۇمىستارى كەزىندە جاڭا كوممۋنيكاتسيا قۇرالدارى مەن ساياسي تەحنولوگوگيالاردى قولدانۋ قاجەت. وسى ورايدا شەتەلدىك تاجىريبەنى دە زەردەلەپ شىققان ءجون.
«ەلىمىزدىڭ باسقا دا ايماقتارىندا ءتيىستى شتابتار جۇمىس ىستەيتىن بولادى. كانديداتىمىزدى قولداۋ ءۇشىن قىسقا ۋاقىتتىڭ ىشىندە قاجەتتى داۋىستى جيناۋ كەرەك. پارتيانىڭ بارلىق رەسۋرستارىن سايلاۋ ناۋقانىنا سالۋ قاجەت. وسى جۇمىسقا بارلىق فيليالدار اتسالىسۋى ءتيىس. ساياسي كەڭەستىڭ مۇشەلەرى دە، بيۋرو قىزمەتكەرلەرى دە تىس قالماۋى قاجەت. ءدال وسى ۋاقىتتا بىزگە ساياسي كەڭەستىڭ الەۋەتىن بارىنشا پايدالانعان ءجون. ادامدارمەن كەزدەسۋ كەرەك. باعدارلامامىزدىڭ نەگىزگى مىندەتتەرىن ءتۇسىندىرۋ كەرەك. دۇرىس تاڭداۋ جاساۋعا ۇندەۋىمىز كەرەك»، - دەپ اتاپ كورسەتتى ن. نازاربايەۆ.