تۇڭعىش پرەزيدەنت توقايەۆ جايىندا: قازاقستاندى باسقارۋعا لايىقتى ازامات
ەلباسى 9 - ماۋسىمدا وتەتىن كەزەكتەن تىس پرەزيدەنتتىك سايلاۋعا قاسىم- جومارت توقايەۆتىڭ كانديداتۋراسىن ۇسىنعان بولاتىن، دەپ حابارلايدى قازاقپارات ءتىلشىسى.
«قاسىم- جومارت توقايەۆتىڭ ديپلوماتيالىق تاجىريبەسى ب ۇ ۇ دەڭگەيىندە جوعارى باعالانعانىن بىلەسىزدەر. وسى جاھاندىق قۇرىلىمدا ول باس حاتشىنىڭ ورىنباسارى رەتىندە قىزمەت ەتتى. ديپلوماتيالىق جەتىستىكتەرىمەن قاتار قاسىم- جومارت كەمەل ۇلى مەملەكەتتىك باسقارۋ سالاسىندا مول تاجىريبە جينادى. ول ەل دامۋىنىڭ ەڭ كۇردەلى كەزەڭىندە قازاقستان ۇكىمەتىن باسقاردى. ەستەرىڭىزدە بولسا، 1998 -جىلعى ازياداعى قارجى داعدارىسىنان كەيىن ەكونوميكانى قالپىنا كەلتىرۋگە اتسالىستى»، - دەپ اتاپ ءوتتى ق ر تۇڭعىش پرەزيدەنتى.
ەلباسى ق. توقايەۆتىڭ تىكەلەي قاتىسۋىمەن 90- جىلداردىڭ اياعى مە 2000 -جىلداردىڭ باسىندا ءبىرقاتار ماڭىزدى رەفورما جۇرگىزىلىپ، ەل ەكونوميكاسىن وركەندەتۋگە جول اشىلعاندىعىن ايتتى.
«سول جىلدارى ول مەنىڭ ۇلتتىق قور قۇرۋ تۋرالى يدەيامدى تولىق قولداپ، ونىڭ قۇرىلۋىنا اتسالىستى. تۇرعىن ءۇي قۇرىلىس جيناق بانكى، دامۋ ينستيتۋتتارى وسى كەزدە پايدا بولدى. الەۋمەتتىك جاڭعىرۋ جولىندا العاشقى قادامدار جاسالدى. جاڭا زەينەتاقى جۇيەسى قالىپتاستى. قاسىم- جومارت توقايەۆ سەنات ءتوراعاسى رەتىندە قازاقستانداعى پارلامەنتاريزمنىڭ جاڭا زاڭ شىعارۋ قىزمەتىنە مول ۇلەس قوستى. وسى جىلدار ىشىندە ول ماعان سەنىمدى سەرىك بولىپ، ەلىمىزدى ودان ارى وركەندەۋگە قاتىستى ۇستانىمىمدى قولداپ كەلەدى. مەن وعان تولىق سەنەمىن جانە ونى قازاقستاندى باسقارۋعا لايىقتى ازامات دەپ ەسەپتەيمىن. ول مەنەن ءبىر مۇشەل جاس كىشى، وسى كۇنى ەل باسقارىپ وتىرعان توڭىرەكتەگى كورشىلەرىمىزدىڭ قۇرداسى جانە زامانداسى بولىپ سانالادى. جۇمىس ىستەۋىنە ىڭعايلى»، - دەدى نۇرسۇلتان نازاربايەۆ.
اۆتور: مارلان جيەمباي