+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

قازاقستان مەن كورەيا قول قويعان «سامال جەل» باعدارلاماسى قانداي ماسەلەلەردى قامتيدى؟

23 ءساۋىر 08:41
:ءبولىسۋ
قازاقستان مەن كورەيا قول قويعان «سامال جەل» باعدارلاماسى قانداي ماسەلەلەردى قامتيدى؟

نۇر-سۇلتان. قازاقپارات - كورەيا پرەزيدەنتى مۋن چجە يننىڭ قازاقستانعا مەملەكەتتىك ساپارى اياسىندا قازاقستان-كورەي ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسياسىنىڭ قولداۋىمەن جۇزەگە اسىرىلاتىن 2019-2022-جىلدارعا ارنالعان «سامال جەل» اتتى جاڭا ەكونوميكالىق ىنتىماقتاستىق باعدارلاماسىنا قول قويىلدى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.

قۇجاتقا قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى رومان سكليار مەن كورەيا رەسپۋبليكاسىنىڭ ساۋدا، يندۋستريا جانە ەنەرگەتيكا ءمينيسترى سون يۋن مو قول قويدى.

«سامال جەل» باعدارلاماسى كولىك جانە لوگيستيكا، قۇرىلىس، ونەركاسىپ، ينفراقۇرىلىمدى دامىتۋ، تاۋ-كەن مەتاللۋرگيا جانە جەر قويناۋىن پايدالانۋ، ساۋدا-ەكونوميكالىق ىنتىماقتاستىق، ەنەرگەتيكا، يننوۆاتسيا، اۋىل شارۋاشىلىعى، قارجى، دەنساۋلىق ساقتاۋ مەن مادەنيەت، تۋريزم جانە ءبىلىم بەرۋ سياقتى سالالاردا ناقتى 58 جوبانى ىسكە اسىرۋدىڭ جانە 10 ورىستە كەشەندى ءوزارا ءىس-قيمىلدى قامتيدى.

بۇعان قوسا، قازىرگى ۋاقىتتا پاكەتى 7,2 ميلليارد ا ق ش دوللارىن قۇرايتىن قازاقستان-كورەي يندۋستريالدى-يننوۆاتسيالىق 40 جوباسى بار . ونىڭ ىشىندە جالپى سوماسى 1,9 ميلليارد ا ق ش دوللارىن قۇرايتىن 19 جوبا ىسكە اسىرىلدى. سونداي-اق «سامال جەل» باعدارلاماسىندا 2,1 ميلليارد دوللارىنىڭ 6 جوباسى ىسكە اسىرىلۋدا جانە 3,2 ميلليارد دوللار بولاتىن 15 پەرسپەكتيۆالىق جوبانى ىسكە اسىرۋ شارالارى قاراستىرىلعان.

كورەيا بەلسەندى بيزنەس- ىنتىماقتاستىق جانە بيزنەستەگى ەكى جاقتى ءتۇرلى بايلانىستاردى ورناتۋ ارقىلى قامتاماسىز ەتىلەتىن بىرلەسكەن كاسىپورىنداردىڭ سانى بويىنشا العاشقى وندىققا كىرەدى. بۇگىنگى تاڭدا قازاقستاندا كورەي كاپيتالىنىڭ قاتىسۋىمەن 500 دەن استام كاسىپورىن جۇمىس ىستەيدى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات