+7 (701) 759 90 19 Лента
1 °С : استانا
12 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

ەلىمىزدىڭ قولاربا بيشىلەرى الەم چەمپيوناتىنا جولداما الدى

22 ءساۋىر 22:29 301
:ءبولىسۋ
ەلىمىزدىڭ قولاربا بيشىلەرى الەم چەمپيوناتىنا جولداما الدى

نۇر- سۇلتان. قازاقپارات - نيدەرلاندىنىڭ كيك قالاسىندا وتكەن قولاربا بيشىلەرى اراسىندا الەم چەمپيوناتىنا ليتسەنزيا بەرۋ حالىقارالىق تۋرنيرى اياقتالدى.

 ەلىمىزدىڭ قورجىنىندا جالپى سانى 14 مەدال بار. بۇل تۋرالى ەلوردالىق مۇمكىندىگىنەن ايىرىلعان سپورت مەكتەبىنىڭ قوعاممەن بايلانىس ءبولىمىنىڭ باسشىسى كارينا دۇيسەنوۆا قازاقپارات تىلشىسىنە بەرگەن سۇحباتىندا ءمالىم ەتتى.

قولارباعا تاڭىلعان جاندار اراسىندا بيدەن وتەتىن الەم چەمپيوناتىنا ليسەنزيا بەرۋ ءتۋرنيرى وسى جىلدىڭ 19-21 - ءساۋىر كۇندەرى ءوتتى. وعان الەمنىڭ 15 ەلىنەن 85 ۇمىتكەر قاتىستى. الەمدىك بي باسەكەسىندە ەل نامىسىن قورعاعان قازاقستاندىق كوماندا قۇرامىندا نۇر- سۇلتان، شىمكەنت قالالارى جانە الماتى مەن قاراعاندى وبلىستارىنىڭ سپورتشىلارى بار.

«ءبىز حالىقارالىق زاماناۋي جانە سپورتتىق بي جۇيەسىنە سايكەس دايىندالدىق. ارينە ءبىراز تەر توگۋدى تالاپ ەتتى، ءوز باسىم جاتتىقتىرۋشى رەتىندە ناتيجەگە ريزامىن. ءبىزدىڭ كوماندا بارلىق سانى 14 مەدال يەلەندى. ونىڭ ىشىندە ەلوردالىق قولاربا بيشىلەرىنىڭ ءوزى حالىقارالىق تۋرنيردەن 7 جۇلدەنى قورجىندارىنا سالدى، ونىڭ 3 ءى كۇمىس، 4ءى قولا مەدال. ءبىزدىڭ باستى قارسىلاستارىمىز ۋكراينا مەن بەلارۋس ەلدەرىنىڭ وكىلدەرى بولدى. قوبالجىعانىمىز راس، دەگەنمەن باسەكە باستالعاندا قورقىنىش وزدىگىنەن سەيىلدى. ناعىز باسەكە الدا، بيدەن الەم چەمپيوناتىنا اتى ايتىپ تۇرعانداي ۇزدىكتەر جينالادى. بىزدە ءبىر عانا ماقسات بار دايىندىقتى كۇشەيتىپ، ايتۋلى باسەكەدە ەلىمىزدىڭ نامىسىن لايىقتى تۇردە قورعاۋ» ، - دەدى قازاقستان رەسپۋبليكاسىنا ەڭبەگى سىڭگەن جاتتىقتىرۋشى ءاليا تۇسىپبەكوۆا.


ەلىمىزدىڭ قولاربا بيشىلەرى الەم چەمپيوناتىنا جولداما الدى 

ەلىمىزدىڭ قولاربا بيشىلەرى الەم چەمپيوناتىنا جولداما الدى 

ەلىمىزدىڭ قولاربا بيشىلەرى الەم چەمپيوناتىنا جولداما الدى 

 

 


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
مۇراعات