+7 (701) 759 90 19
7 °С : نۇر-سۇلتان
8 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

ونەركاسىپتىك ريەۆوليۋتسياعا قازاقستانمەن بىرگە دايىندالامىز - كورەيا پرەزيدەنتى

22 ءساۋىر 19:47
:ءبولىسۋ
ونەركاسىپتىك ريەۆوليۋتسياعا قازاقستانمەن بىرگە دايىندالامىز - كورەيا پرەزيدەنتى

نۇر- سۇلتان. قازاقپارات - قازاقستانمەن ءتۇرلى سالالاردا ىنتىماقتاستىقتى دامىتۋعا نيەتتىمىز. بۇگىن ەلوردادا كورەيا رەسپۋبليكاسىنىڭ پرەزيدەنتى مۋن چجە ين وسىلاي ءمالىم ەتتى، دەپ حابارلايدى قازاقپارات ءتىلشىسى.

«وسى نەگىزدە بولاشاققا باعىتتالعان ەكونوميكالىق ىنتىماقتاستىقتىڭ جولدارىن ۇسىنعىم كەلەدى. بىرىنشىدەن، ەكىجاقتى قارىم- قاتىناستىڭ كەڭىستىگىن ءتۇرلى سالالار بويىنشا كەڭەيتۋ كەرەك. ىنتىماقتاستىعىمىز كوبىنە ەنەرگەتيكالىق رەسۋرستار، ينفراقۇرىلىم سالاسىندا دامىپ كەلدى. الداعى كەزەڭدە ءوزارا بايلانىستاردا دەنساۋلىق ساقتاۋ، قارجى، مادەنيەت، تۋريزم سالالارىنا ەرەكشە ەكپىن قويماقپىز» ، - دەدى وڭتۇستىك كورەيا باسشىسى قازاقستان- كورەيا بيزنەس- فورۋمىندا.

وسى ورايدا ول بۇگىن ەكى ەل اراسىندا ماڭىزدى قۇجاتتارعا قول قويىلعانىن ەسكە سالدى.

«قازاقستان مەن وڭتۇستىك كورەيا ءتورتىنشى ونەركاسىپتىك ريەۆوليۋتسيا جاعدايىندا دامۋعا بىرگە دايىندالادى. وسى ارقىلى الدىڭعى قاتارلىق تەحنولوگيالار سالاسىندا ىنتىماقتاستىقتى بىرلەسە ىلگەرىلەتۋگە كەلىستىك» ، - دەدى مۋن چجە ين.

سونىمەن قاتار ول ەكى ەل لوگيستيكا سالاسىندا دا ىنتىماقتاستىقتى نىعايتۋعا مۇددەلى ەكەنىن جەتكىزدى.

ايتا كەتەيىك، بۇگىنگى بيزنەس- فورۋمدا ق ر پرەزيدەنتى قاسىم- جومارت توقايەۆ قازاقستاندا ىسكەرلىك باستامالار مەن ينۆەستيتسيالاردى جۇزەگە اسىرۋ ءۇشىن قولايلى جاعدايلار جاسالعانىن اتاپ ءوتتى.

بۇدان بۇرىن حابارلانعانداي، كورەيلىك ينۆەستورلار قازاقستانداعى ءبىرقاتار جوباعا قىزىعۋشىلىق تانىتتى. تاراپتار قازاقستانداعى مەملەكەتتىك- جەكەشەلىك ارىپتەستىك (م ج ا) جوبالارىن جۇزەگە اسىرۋ سالاسىندا ىنتىماقتاسۋعا جانە وسى جوبالارعا كورەي ينۆەستورلارىن تارتۋعا جاردەمدەسۋدى كوزدەپ وتىر.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات