نۇرسۇلتان نازاربايەۆ «ءبىر بەلدەۋ، ءبىر جول» اتتى فورۋمعا قاتىسادى
كەزدەسۋ بارىسىندا قازاقستاننىڭ تۇڭعىش پرەزيدەنتى ەكى مەملەكەت اراسىندا ورنىققان قارىم- قاتىناستىڭ جوعارى دەڭگەيدە ەكەنىن اتاپ ءوتىپ، ونى ءارى قاراي دامىتۋدىڭ پەرسپەكتيۆالارىنا توقتالدى.
- سىزبەن جۇزدەسكەنىمە قۋانىشتىمىن. ءتوراعا شي جينپيننىڭ بىرلەسكەن جۇمىستارىمىزدىڭ ناتيجەلەرى مەن پەرسپەكتيۆالارى تالقىلاناتىن «ءبىر بەلدەۋ، ءبىر جول» اتتى فورۋمعا قاتىسۋعا شاقىرۋىن ريزاشىلىقپەن قابىل الدىم. سونىمەن قاتار، ءبىز جەتى جىل بويى ءوزارا تۇسىنىستىك رۋحىندا بىرلەسە جۇمىس ىستەگەن قىتاي حالىق رەسپۋبليكاسىنىڭ توراعاسىمەن كەلىسسوز وتكىزۋ جوسپارلانىپ وتىر، - دەدى نۇرسۇلتان نازاربايەۆ.
قازاقستاننىڭ تۇڭعىش پرەزيدەنتى كولىك- لوگيستيكا سالاسىنداعى بىرلەسكەن جوبالاردى ىسكە اسىرۋدىڭ تيىمدىلىگىن ايتتى.
- ءبىز ينفراقۇرىلىمدى دامىتۋ جونىندە اۋقىمدى جۇمىس اتقاردىق. ءبىز قىتاي حالىق رەسپۋبليكاسىمەن جەمىستى ىنتىماقتاستىقتى وتە جوعارى باعالايمىز جانە بۇل ءوزارا ءتيىمدى قاتىناستاردى جالعاستىرا بەرەمىز، - دەدى ەلباسى.
سونىمەن قاتار، نۇرسۇلتان نازاربايەۆ بارشا قىتاي حالقىن قىتاي حالىق رەسپۋبليكاسىنىڭ 70 جىلدىعىمەن قۇتتىقتاپ، زور تابىس جانە باق- بەرەكە تىلەدى.
ەلشى جاڭ شياۋ نۇرسۇلتان نازاربايەۆقا قىتاي حالىق رەسپۋبليكاسىنىڭ ءتوراعاسى شي جينپيننىڭ زور ءىلتيپاتىن جەتكىزدى.
- «ءبىر بەلدەۋ، ءبىر جول» اتتى ەكىنشى فورۋم - 37 مەملەكەت پەن ۇكىمەتتەردىڭ باسشىلارى قاتىساتىن اۋقىمدى حالىقارالىق شارا. قاتىسۋشىلاردىڭ ىشىندە ءسىز، نۇرسۇلتان ءابىش ۇلى، بۇل ءىس- شارانىڭ ەڭ ماڭىزدى ءارى قۇرمەتتى قوناعى بولاسىز، - دەدى ق ح ر ەلشىسى.
جاڭ شياۋ «ءبىر بەلدەۋ، ءبىر جول» باستاماسى مەن «نۇرلى جول» جاڭا ەكونوميكالىق ساياساتتىڭ تۇيىندەسۋىنىڭ جەمىستى بولعانىن اتاپ ءوتتى.
- بۇگىندە بىرلەسكەن 55 جوبانىڭ 9 ى جۇزەگە اسىرىلدى. وسى جىلدىڭ ىشىندە تاعى 8 جوبانى اياقتاۋ جوسپارلانۋدا. ىنتىماقتاستىعىمىزدىڭ جەمىستى بولۋى، ەڭ الدىمەن، ءسىزدىڭ سىڭىرگەن زور ەڭبەگىڭىزدىڭ ارقاسى، - دەدى ق ح ر ەلشىسى.