+7 (701) 759 90 19 Лента
8 °С : استانا
13 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

كورەيلىك ينۆەستورلار قازاقستانداعى ءبىرقاتار جوباعا قىزىعۋشىلىق تانىتتى

22 ءساۋىر 17:36 319
:ءبولىسۋ
كورەيلىك ينۆەستورلار قازاقستانداعى ءبىرقاتار جوباعا قىزىعۋشىلىق تانىتتى

 نۇر- سۇلتان. قازاقپارات - بۇگىن قازاقستان- كورەيا بيزنەس- فورىمىندا«بايتەرەك» ۇلتتىق باسقارۋشى حولدينگى» ا ق، ونىڭ ەنشىلەس ۇيىمى - Kazakhstan Project Preparation Fund ج ش س مەن شەتەلدىك قالالىق ينفراقۇرىلىمدى دامىتۋ جونىندەگى كورەي كورپوراتسياسى (KIND) ىنتىماقتاستىق تۋرالى كەلىسىمگە قول قويدى، دەپ حابارلايدى قازاقپارات ءتىلشىسى.

وسى قۇجاتقا سايكەس، تاراپتار قازاقستانداعى مەملەكەتتىك- جەكەشەلىك ارىپتەستىك (م ج ا) جوبالارىن جۇزەگە اسىرۋ سالاسىندا ىنتىماقتاسۋعا جانە وسى جوبالارعا كورەي ينۆەستورلارىن تارتۋعا جاردەمدەسۋدى كوزدەپ وتىر. 800 ميلليون ا ق ش دوللارىن قۇرايتىن ءتورت نىسان قاراستىرىلادى دەپ جوسپارلانۋدا.

اتاپ ايتقاندا، كورەي ينۆەستورلارى تۇركىستان وبلىستىق تاس جولىن، 300 توسەكتىك كوپسالالى اۋرۋحانانى سالۋ، اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ 1265 توسەكتىك ءبىرىڭعاي ۋنيۆەرسيتەتتىك اۋرۋحاناسىن، سونداي- اق قاراعاندى قالاسىندا 300 توسەكتىك ۋنيۆەرسيتەتتىك كلينيكا قۇرۋ سەكىلدى كونتسەسسيالىق جوبالارعا قىزىعۋشىلىق تانىتتى.

بۇدان باسقا، «بايتەرەك» ۇ ب ح» اق كورەي تەحنولوگيالاردى دامىتۋ ينستيتۋتىمەن (KIAT) بىرلەسىپ ەكى ەلدىڭ ءوزارا پايداسى ءۇشىن قاجەتتى تەحنولوگيالىق سالاداعى كۇش- جىگەردى بىرىكتىرۋدى جوسپارلاپ وتىر. اتالعان بيزنەس- فورۋم اياسىندا ايدار ءارىپحانوۆ پەن KIAT پرەزيدەنتىنىڭ مىندەتىن اتقارۋشى چانمين حان (Changmin Han) مىرزا ءتيىستى مەموراندۋمعا قول قويدى.

 تاراپتار ونەركاسىپتىك تەحنولوگيالار سالاسىنداعى ينۆەستيتسيالىق جوبالاردى انىقتاۋ جانە دامىتۋ ماقساتىندا ءوزارا قىزىعۋشىلىق تانىتاتىن سالالاردى زەرتتەۋگە نيەتتى.


:ءبولىسۋ

اأتور:

novasa

ونلاين قىزمەتكەرلەر
مۇراعات