16:18, 22 - ءساۋىر 2019 | GMT +6
قاسىم- جومارت توقايەۆ مۋن چجە ينگە كورەي حالقى ءۇشىن قۇندى كىتاپ سىيلادى
نۇر- سۇلتان. قازاقپارات - بۇگىن اقوردادا ق ر پرەزيدەنتى قاسىم- جومارت توقايەۆ كورەيا رەسپۋبليكاسىنىڭ پرەزيدەنتى مۋن چجە ينگە كورەي حالقى ءۇشىن قۇندى كىتاپ سىيلادى، دەپ حابارلايدى قازاقپارات ءتىلشىسى.
"سىزدەردىڭ تاريحتارىڭىزدىڭ تاعى ءبىر پاراعىنان سىر شەرتەتىن كىتاپتى سىيعا تارتقىم كەلەدى. وسىناۋ بىرەگەي كىتاپ 1937 -جىلى قيىر شىعىستان قازاقستانعا كورەيلەردى كۇشتەپ كوشىرگەندىگى جايىندا تەرەڭىرەك بىلۋگە مۇمكىندىك بەرەدى دەپ ويلامىن. بۇل كىتاپتا ستاليندىك توتاليتارلىق جۇيە كەزەڭىندەگى قايعىلى وقيعالارعا قاتىستى سيرەك كەزدەسەتىن قۇجاتتار مەن سۋرەتتەر جيناقتالعان. كىتاپ 20 - عاسىردىڭ 30-40 -جىلدارىنداعى كورەي حالقىنىڭ تاريحىن بارىنشا وي ەلەگىنەن وتكىزۋگە مۇمكىندىك بەرەدى دەپ ۇمىتتەنەمىن"، - دەپ اتاپ ءوتتى ق. توقايەۆ تۋىندىنى ارىپتەسىنە سىيعا تارتۋ بارىسىندا.