الەمدەگى ەڭ الىپ ۇشاق كوككە كوتەرىلدى
كاليفورنيانىڭ موحاۆە شولىندە ارنايى دەمونستراتسيالىق ۇشۋ ساتىندە تۇسىرىلگەن ۆيدەو YouTube جەلىسىندە جاريالاندى.
Stratolaunch Systems كومپانياسىنىڭ ەكى فيۋزەلياجدى جاڭا قۇرىلعىسى اۋەدە 2,5 ساعات بولىپ، ماكسيمالدىق جىلدامدىقتى ساعاتىنا 304 شاقىرىمعا دەيىن اپاردى. الىپ ۇشاقتىڭ قاناتتارى - 117 مەتر، بۇل الدىڭعى رەكوردتان (ان-225 "مريا" 88 مەتر) الدەقايدا ۇزىن.
ۇشاقتىڭ ۇزىندىعى 73 مەتر. اۋە كەمەسىنىڭ سالماعى 250 توننا، ول 590 تونناعا دەيىن جۇك كوتەرە الادى. بيىكتىگى 4,69 مەتر. ۇشىپ- قونۋ ايلاعىندا ونىڭ 28 دوڭگەلەگى ىسكە قوسىلادى. وندا Boeing 747 ۇشاعى ورناتىلاتىن Pratt جانە Whitney قوزعالتقىشتارىمەن جابدىقتالعان جانە اۋەگە 226 توننا جۇكتى اۋەگە كوتەرە الاتىنى تۋرالى Stratolaunch Systems كومپانياسىنىڭ حابارلاماسىندا ايتىلادى.
«Stratolaunch نەگىزگى ماقساتى - ۇشاتىن قۇرىلعىلاردىڭ عارىشقا شىعارۋ. الەمدەگى الىپ ۇشاقتى 2012 -جىلدان بەرى جوبالاپ، قۇراستىرىپ كەلەمىز. جوبانىڭ ماقساتى - وربيتالىق پوزيتسيالارعا ىڭعايلى ءارى سەنىمدى مۇمكىندىك جاساۋ»، - دەيدى قۇراستىرۋشىلار.