+7 (701) 759 90 19 Лента
19 °С : استانا
25 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

تۇڭعىش قازاق فانتاست - جازۋشىسى الەمدىك جاڭالىقتاردى بۇرىن اشقان با؟

22 ءساۋىر 17:49 387
:ءبولىسۋ
تۇڭعىش قازاق فانتاست - جازۋشىسى الەمدىك جاڭالىقتاردى بۇرىن اشقان با؟

  نۇر-سۇلتان. قازاقپارات - قازاق فانتاستيكا شىعارمالارىنىڭ باستاۋى - ساحيەۆ ءجۇنىس.

ءجۇنىس ساحيەۆ 1950 -جىلى 1 -ناۋرىزدا وڭتۇستىك قازاقستان وبلىسى، بايدىبەك اۋدانى، المالى اۋىلىندا تۋعان.

ءجۇنىس ساحيەۆ 1972 -جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە وقۋعا ءتۇسىپ، 1977 -جىلى ءبىتىرىپ شىعادى. ۋنيۆەرسيتەت قابىرعاسىندا ءبىلىمىن تولىقتىرا ءجۇرىپ 1974 -جىلى «اتلانتيدا جاڭعىرىعى» ۇجىمدىق عىلىمي-فانتاستيكالىق پوۆەست- بۋريمەنىڭ ءۇشىنشى ءبولىمى «تۇڭعيىقتا» دەگەن اتپەن «قازاقستان پيونەرى» گازەتىندە العاش رەت جارىق كوردى.

ال 1976 -جىلى ماسكەۋدەن شىعاتىن «زەمليا ي ۆسەلەننايا» عىلىمي-كوپشىلىك جۋرنالىندا ايدىڭ 1975 -جىلعى شىلدەدەگى تۇتىلۋىنا جاساعان عىلىمي زەرتتەۋىنىڭ جاريالانۋى اۆتوردىڭ سول كەزدە-اق ماسكەۋ عالىمدارىنىڭ نازارىنا ىلىنگەنى انىق. كەيىن ج. ساحيەۆتىڭ «كەڭىستىك كوشپەندىلەرى» سەرياسىمەن جازعان بىرنەشە رومانى ءار جىلدارى «جالىن»، «جازۋشى»، «ءبىلىم»، «عىلىم»، «ەلوردا»، «فوليانت» باسپالارىنان جارىق كوردى.

ءجۇنىس ساحيەۆتىڭ شىعارماشىلىعى جاي فانتاستيكا، ويدان شىعارىلعان قيال-عاجايىپ وقيعا ەمەس، قاي ەڭبەگى دە عىلىممەن تىعىز بايلانىستى. جازۋشىنىڭ «جاڭبىر جاۋعاندا» عىلىمي- فانتاستيكالىق رومانىنداعى كەمەممەن اۋا رايىن وزگەرتە الۋ يدەياسى قازىرگى كەزدە شىندىققا اينالدى.

ماسەلەن، قازىر اۋە كەمەلەرى ارقىلى بۇلتتاردى ىدىراتۋعا بولاتىنىن كوزىمىزبەن كورىپ ءجۇرمىز. «شولپانعا كوشكەن اۋىل» رومانىنداعى نەگىزگى مازمۇن ءتىرىنى دە، زاتتى دا جارىق ساۋلەسىمەن وزگە ورىنعا كوشىرۋگە بولاتىنى تۋرالى ەدى. بۇل يدەيانى كەيىن اۆستراليا ۋنيۆەرسيتەتىنىڭ عالىمدارى قانداي دا ءبىر زاتتى لازەر ساۋلەسىمەن بولشەكتەپ جىبەرىپ، سەكۋندتىڭ ءبىر بولىگىندەي عانا ۋاقىتتىڭ ىشىندە ەكىنشى جەرگە كوشىرىپ، قايتا قالپىنا كەلتىرۋگە بولاتىنىن تاجىريبەمەن جۇزەگە اسىردى.

 tech.bugin.kz


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات