+7 (701) 759 90 19
-2 °С : نۇر-سۇلتان
2 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

الىپ كيتكە جۇتىلماۋ جولىنداعى جانتالاس

22 ءساۋىر 16:06
:ءبولىسۋ
الىپ كيتكە جۇتىلماۋ جولىنداعى جانتالاس

نۇر-سۇلتان. قازاقپارات - بۇل فيلمدى ءار قىرىنان الىپ سيپاتتاي بەرۋگە بولادى.

ءبىرىنشىسىن، باسقارۋشى بيلىكتىڭ قاي كەزدە دە ادىلەتسىز، جەمقور، قياناتشىل بولاتىنى تۇرعىسىنان الساق، ەكىنشىسىن كۇللى ادامزاتقا ءتان رۋحاني قۇندىلىقتاردىڭ كۇيرەۋى تۇرعىسىنان قاراستىرا بەرەمىز.

مۇندا قياناتتىڭ سونشالىقتى اۋىر، ءتىپتى ەڭسەڭدى تىكتەمەك تۇرماق، باس كوتەرە الماي قالاتىن دارەجەدە بولاتىنىن سەزەسىڭ. ال، ادام رۋحىنىڭ وسىلاي سىنۋى اقىل- ەسىڭنەن ايىرىلىپ، ءوزىڭدى جوعالتۋ شىعار.

مەنىڭشە، بۇل جەردەگى ماسەلە شەندىنىڭ شەنسىزگە ىستەيتىن قىساستىعىنان دا تەرەڭ. ويتكەنى، ادام جانى ءتۇسىنىپ بولمايتىن تۇڭعيىق. ونىڭ قاي كۇنى، قاي ساتتە، قالاي قيسايا كەتەتىنى بەلگىسىز. ماسەلەن، ءبىز جاناياسپاس دوستىقتىڭ بارىنا سەنەمىز. فيلمدە قاراپايىم مەحانيك پەن ماسكەۋلىك ادۆوكاتتىڭ اراسىنداعى كىرشىكسىز وسىنداي سەزىمدەرگە الداناسىڭ، ءتىپتى جولداسى ءۇشىن جول تارتىپ كەلىپ، قۇدىرەتتى قالا مەرىنىڭ جۇرەگىنە قورقىنىش ۇيالاتا باستاعان تۇستا «نە دەگەن ەرلىك!» دەيسىڭ.

الداعى ۋاقىتتا ادىلەتتىڭ ۇستەمدىك قۇراتىنىنا ىشتەي ءوز ۇكىمىڭدى شىعارىپ ۇلگەرەسىڭ. الايدا، زۆياگينسەۆ ءبىزدىڭ وقيعانى ءوز قالاۋىمىزداي ءوربىتىپ الا جونەلۋىمىزگە مۇمكىندىك بەرمەيدى. مەحانيكتىڭ (الەكسەي سەرەبرياكوۆ) ايەلىنىڭ (ەلەنا ليادوۆا) ادۆوكات (ۆلاديمير ۆدوۆيچەنكوۆ) بولمەسىنە كىرگەن تۇسىنان باستاپ بۇل ادەمى قيالىمىزدىڭ ءبارى كوككە ۇشادى. ەندىگى جەردە جەر ءۇشىن تالاسقان ءالدى مەن ءالسىزدىڭ اراسىنداعى تارتىستا دا ەش ءمان قالمايدى... ەگەر ءبىز قياناتشىل بيلىكتى الىپ كيت (ليەۆيافان) دەسەك، ونىڭ جۇمىرىنا ميلليون تاعدىرلى مەحانيك تە جۇق بولمايدى. ءبىزدىڭ دە قوعام وسى.

«ۆوزۆراشەنيە» مەن «نەليۋبوۆ» تا كۇتپەگەن شەشىمىمەن ويلاندىرادى. ولاردى دا جەكە جەكە تالداي بەرۋگە بولادى. ءبىراق، مەن بۇل فيلمدەرگە قايتا سوققىم كەلمەيدى. ويتكەنى، بالا تاقىرىبى جۇرەكتى ەزەدى. كەشەلى بەرى ونسىز دا مانياك، وگەي شەشەنىڭ ءۇش بۇلدىرشىنگە كورسەتكەن قىساستىعى الەۋمەتتىك جەلىدەن تۇسپەي تۇر. زۆياگينسەۆكە كەزەكتى ءبىر كاستينگكە كەلگەن كەلىنشەك: «ءسىزدىڭ فيلمىڭىزدەن سوڭ كىشكەنە بالامدى ۇيىقتاپ جاتقان جەرىنەن قۇشاقتاپ، يىسكەپ، وعان كورسەتكەن دورەكىلىكتەرىم ءۇشىن كەشىرىم سۇراي بەردىم»- دەيدى.

سوندا رەجيسسەر «بالاڭىز نەبارى ءتورت-اق جاستا. ءسىز وعان ءالى كوپ قاتەلىگىڭىزدى كورسەتىپ ۇلگەرگەن جوقسىز دەپ ويلايمىن»- دەپ جاۋاپ بەرەدى. جانە ول «ياعني، ادامدار بولاشاقتا ءوز بالالارىنا اۋىر قياناتتار، قىساستىقتار جاسايتىنىن بىلەدى، سول قورقىنىشى ءۇشىن بۇگىن ەسى كىرە قويماعان بالاسىنان كەشىرىم سۇرايدى. سەندەر بولاشاقتا وزدەرىڭ جول بەرەتىن قاتەلىكتەرىڭنەن قورىققانشا، بالالارىڭا بۇگىن، ءدال قازىر جۇگىرىڭدەر!»- دەگەن ويدى العا تارتادى. (مەن بۇل مىسالدى سوزبە- ءسوز جازىپ وتىرعان جوقپىن. ءبىراق ەسىمدە قالعان پىكىرى وسىعان سايادى)

ءتورت فيلمىنىڭ دە شەشىمى قيىن. تىرشىلىكتىڭ ءوزى ءومىر مەن ءولىمنىڭ تارتىسىنان عانا تۇرادى دەسەك، بالكىم، رەجيسسەر سونداعى سانالى ادامنىڭ جەڭىسى مەن جەڭىلىسىن وتە اۋىر وسىنداي شەشىمدەر ارقىلى كورسەتكىسى كەلگەن شىعار. سوندىقتان، بۇل فيلمدەردى كەيبىر پىكىر يەلەرىندەي، دەپرەسسيۆتى فيلمدەر دەي المايمىن. اقيقاتقا تۋرا قاراي ءبىلۋ - ەرلىك. رەجيسسەردىڭ تاۋەلسىزدىگى دە وسىندا شىعار. مەنىڭ كورەرمەندىك پايىمىم وسىعان عانا جەتتى...

اكتەرلاردىڭ شەبەرلىگى، كاسىبيلىگى كەز كەلگەندى ءتانتى ەتەدى. ماسەلەن، ادۆوكات رولىندەگى ۆدوۆيچەنكوۆ «ليەۆيافاندى» جىلاپ وتىرىپ كورگەنىن جازادى. «ادامعا وسىنداي اۋىر قياناتتار جاساي بەرۋگە بولادى ەكەن-اۋ»- دەگەندەي ايتادى. ءبىراق، ماعان بۇل جەردە ونىڭ وسى ادامي شىنايىلىعىنان دا رولدەگى وبرازى نانىمدىراق. (شىنايى مويىنداۋ ەكەندىگىنە كۇمانىم بولماسا دا) اكتەرلىك شەبەرلىك، ناعىز تالانت دەگەن وسى شىعار... سەرەبرياكوۆ جايلى ءسوز بولەك.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات