قازاقستان- كورەيا ىسكەرلىك كەڭەسى قانداي ناتيجە بەردى
بۇل تۋرالى بۇگىن قازاقستان- كورەيا بيزنەس فورىمىندا اتالعان ىسكەرلىك كەڭەستىڭ قازاقستاندىق تاراپىنان تەڭ ءتوراعاسى الماسادام ساتقاليەۆ ءمالىم ەتتى، دەپ حابارلايدى قازاقپارات ءتىلشىسى.
«ەكى ەل اراسىنداعى قارىم- قاتىناستىڭ تابىستى دامۋىنا 2012 -جىلى قۇرىلعان قازاقستان- كورەيا ىسكەرلىك كەڭەسى ىقپال ەتىپ كەلەدى. وسى جىلدارى تاجىريبە جۇزىندەگى ءوزارا ءىس- قيمىلداردى قولداۋ جاساي وتىرىپ، ىسكەرلىك كەڭەس ءوزىنىڭ قاجەتتىگى مەن تيىمدىلىگىن كورسەتە الدى. 2012-2017 -جىلدار ارالىعىندا اتالعان كەڭەستىڭ 6 وتىرىسى ءوتىپ، 5 ميلليارد ا ق ش دوللارىنان استام سوماعا ەسەپتەلگەن 12 كەلىسىمگە قول قويىلدى» ، - دەدى ا. ساتقاليەۆ.
وسى ورايدا، ول دەنساۋلىق ساقتاۋ، اقپاراتتىق تەحنولوگيالار جانە سيفرلىق ترانسفورماتسيا، قۇرىلىس، قارجى، ساۋدا، تۋريزم سالالارى قامتىلعانىن اتاپ ءوتتى.
«2018 -جىلى ەكى ەل اراسىنداعى تاۋار اينالىمى 3,8 ميلليارد ا ق ش دوللارىن قۇراپ، بۇل 2017 -جىلمەن سالىستىرعاندا ەكى ەسەگە ارتتى» ، - دەدى ىسكەرلىك كەڭەستىڭ تەڭ ءتوراعاسى.
بۇدان بۇرىن حابارلانعانداي، بۇگىن اقوردادا ق ر پرەزيدەنتى قاسىم- جومارت توقايەۆ ەلىمىزگە مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى مۋن چجە ينمەن ەكىجاقتى كەزدەسۋ ءوتتى.