+7 (701) 759 90 19
5 °С : نۇر-سۇلتان
2 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

ق ر پرەزيدەنتى كورەيا باسشىسىمەن قانداي ماسەلەلەردى تالقىلاعانىن ايتتى

22 ءساۋىر 14:30
:ءبولىسۋ
ق ر پرەزيدەنتى كورەيا باسشىسىمەن قانداي ماسەلەلەردى تالقىلاعانىن ايتتى

نۇر-سۇلتان. قازاقپارات - كورەيلىك كومپانيالاردىڭ بىرلەسكەن جوبالاردى جۇزەگە اسىرۋعا زور قىزىعۋشىلىق تانىتىپ وتىرعاندىعى قۋانتادى.

بۇل تۋرالى بۇگىن اقوردادا كورەيا رەسپۋبليكاسىنىڭ پرەزيدەنتى مۋن چجە ينمەن كەلىسسوزدەردەن كەيىنگى بىرلەسكەن مالىمدەمە بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«جاڭا عانا ءبىز پرەزيدەنتى مۋن چجە ينمەن مازمۇندى كەلىسسوزدەر جۇرگىزىپ، ەكىجاقتى ءىس-قيمىلداردىڭ وزەكتى ماسەلەلەرىن تالقىلادىق. حالىقارالىق جانە وڭىرلىك كۇنتارتىبىندەگى ماسەلەلەر بويىنشا پىكىر الماستىق. ءىس جۇزىندە تالقىلانعان بارلىق تاقىرىپتار بويىنشا ءوزارا تۇسىنىستىك پەن قولداۋ كورسەتۋ جونىندە كەلىسىمگە كەلگەنىمىزگە قۋانىشتىمىن»، - دەدى ق ر پرەيدەنتى.

مەملەكەت باسشىسى ەكى ەل اراسىنداعى ستراتەگيالىق ارىپتەستىكتى ساپالىق تۇرعىدان جاڭا دەڭگەيگە كوتەرۋدى كوزدەيتىن جۇمىستاردى جالعاستىرۋعا ۋاعدالاسقاندىقتارىن دا ايتتى.

«ب ۇ ۇ جۇيەسىندەگى قۇرىلىمدار، د س ۇ، ورتالىق ازيا-كورەيا رەسپۋبليكاسى فورۋمى جانە باسقا دا ۇيىمدار اياسىندا بەلسەندى ءارى تىعىز ىقپالداستىققا قول جەتكىزدىك. بۇگىنگى ساپاردان كەيىن كوپجاقتى ىقپالداستىعىمىزدىڭ اۋقىمى مەن مازمۇنى كەڭەيەتىندىگى ءسوزسىز»، - دەدى ق. توقايەۆ.

سونىمەن قاتار، ق ر پرەزيدەنتى بۇگىنگى كەلىسسوزدەر بارىسىندا ساۋدا-ەكونوميكالىق ءوزار ءىس-قيمىلدىڭ كەلەشەگى دە قارالعانىن ايتتى. بۇل رەتتە اتالعان باعىتتاعى جۇمىستار باسىمدىعى قازاقستان مەن كورەيا اراسىنداعى 2019-2022-جىلدارعا ارنالعان «سامال جەل» اتتى جاڭا ەكونوميكالىق ىنتىماقتاستىق باعدارلاماسىندا كورىنىس تاپقاندىعىنا نازار اۋدارتتى.

«بۇگىندە ءبىزدىڭ ەلدەرىمىز ماشينا جاساۋ، قۇرىلىس، جول، ينفراقۇرىلىم، اۋىل شارۋاشىلىعى، قارجى سەكتورى، دەنساۋلىق ساقتاۋ، اقپاراتتىق-كوممۋنيكاتسيالىق تەحنولوگيالار سىندى ءتۇرلى سالالاردا ءىرى جوبالاردى جۇزەگە اسىرىپ جاتىر. كورەيلىك كومپانيالاردىڭ بىرلەسكەن جوبالاردى جۇزەگە اسىرۋعا زور قىزىعۋشىلىق تانىتىپ وتىرعاندىعى قۋانتادى. بۇگىندە 500 دەن استام بىرلەسكەن قازاقستاندىق-كورەيلىك كاسىپورىن قازاقستان اۋماعىندا بەلسەندى جۇمىس جاساپ جاتىر. مەنىڭشە، كەلەشەكتە ولاردىڭ سانى ارتا تۇسەتىن بولادى»، - ق. توقايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات