+7 (701) 759 90 19 Лента
1 °С : استانا
12 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

كورەيا پرەزيدەنتى قازاقستانعا ريزاشىلىعىن ءبىلدىردى

22 ءساۋىر 14:14 327
:ءبولىسۋ
كورەيا پرەزيدەنتى قازاقستانعا ريزاشىلىعىن ءبىلدىردى

نۇر-سۇلتان. قازاقپارات - قازاقستان - بۇل يادرولىق قارۋدان ءوز ەركىمەن باس تارتقاننان كەيىن ەكونوميكالىق دامۋعا قول جەتكىزگەن ەل.

بۇل تۋرالى بۇگىن اقوردادا ەلىمىزگە مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى مۋن چجە ينمەن كەڭەيتىلگەن قۇرامداعى كەلىسسوز بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارت ءتىلشىسى.

«قازىر عانا وتكەن شاعىن قۇرامداعى كەلىسسوزدەر مەن كەشەگى كەزدەسۋدە ءبىز ەكىجاقتى قارىم-قاتىناستى، ونىڭ ىشىندە كورەي تۇبەگىندەگى ورتالىق ازياداعى ساياسي احۋالدى تالقىلادىق. تالقىلاۋ قورىتىندىسى تولىقتاي كوڭىلىمنەن شىقتى»، - دەدى كورەيا پرەزيدەنتى.

وسى ورايدا، ول قازاقستان ورتالىق ازيا ەلدەرى اراسىندا جوعارى قارقىنمەن دامىپ كەلە جاتقان مەملەكەت ەكەندىگىن باسا ايتتى. سونىمەن قاتار، ءتورتىنشى ونەركاسىپ ريەۆوليۋتسياسى داۋىرىندەگى سىن-تەگەۋىرىندەرگە قارسى ارەكەت ەتۋدە كورەيا قازاقستانعا سەنىمدى سەرىكتەس بولا الاتىندىعىن اتاپ ءوتتى. ەكى ەلدىڭ ساۋدا، ينۆەستيتسيا، ينفراقۇرىلىم سالالارىنان بولەك اقپاراتتىق تەحنولوگيالار، يننوۆاتسيالىق ونەركاسىپتىك تەحنولوگيالار، مەديتسينا، عارىش سالالارىنداعى ىنتىماقتاستىقتى ىلگەرىلەتۋگە مۇمكىنشىلىك بار ەكەندىگىنە نازار اۋدارتتى. مۇنان بولەك، مۋن چجە ين قازاقستاننىڭ كورەي تۇبەگىندەگى بەيبىتشىلىكتى قالپىنا كەلتىرۋ جانە احۋالدى تۇراقتاندىرۋعا باعىتتالعان ساياساتى ءۇشىن ريزاشىلىعىن ءبىلدىردى.

«قازاقستان كورەي تۇبەگىندەگى بەيبىت پروتسەسكە قولداۋ ءبىلدىرىپ كەلەدى. وسى مۇمكىنشىلىكتى پايدالانىپ، قولداۋلارىڭىز ءۇشىن ريزاشىلىعىمدى بىلدىرەمىن. قازاقستان - بۇل يادرولىق قارۋدان ءوز ەركىمەن باس تارتقاننان كەيىن ەكونوميكالىق دامۋعا قول جەتكىزگەن ەل. بۇل كورەي تۇبەگى ءۇشىن وتە ماڭىزدى ۇلگى بولا الادى. سىزدەر بۇل ماسەلەدەگى تاجىريبەلەرىڭىزبەن بولىسەدى دەپ ۇمىتتەنەمىز»، - دەدى ول.


:ءبولىسۋ

اأتور:

novasa

ونلاين قىزمەتكەرلەر
مۇراعات