مەملەكەت باسشىسى: قازاقستانداعى كورەي باۋىرلارىمىزعا قولداۋ كورسەتە بەرەمىز

None
None
نۇر-سۇلتان. قازاقپارات - قازاقستاندا 100 مىڭنان استام كورەي ۇلتى تۇرىپ جاتىر. بۇل تۋرالى بۇگىن اقوردادا ەلىمىزگە مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى مۋن چجە ينمەن كەڭەيتىلگەن قۇرامداعى كەلىسسوز بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارت ءتىلشىسى.

«ءبىزدىڭ مادەني-گۋمانيتارلىق بايلانىستارىمىزدىڭ رەت-رەتىمەن ىلگەرلەي تۇسۋىنە قازاقستاندا تۇرىپ جاتقان كورەي ۇلتىنىڭ ازاماتتارى ماڭىزدى ۇلەس قوسادى. ءوزىڭىز دە بىلەتىندەي، كورەيلەر قازاقستانداعى ون ەڭ ءىرى ەتنوستاردىڭ قاتارىنا كىرەدى. 100 مىڭنان استام كورەي تۇرىپ جاتىر»، - دەپ اتاپ ءوتتى ق ر پرەزيدەنتى.

وسى رەتتە قازاقستان پرەزيدەنتى ەل اۋماعىندا تۇرعىپ جاتقان كورەي ەتنوستارىن دامىتۋعا مۇنان ارى دا جان-جاقتى قولداۋ كورسەتىلەتىندىگىن باسا ايتتى.

«ءبىز ءوز تاراپىمىزدان، ۇكىمەت تاراپىنان باۋىرلاس كورەيلەردىڭ ۇلتتىق وزىندىك ەرەكشەلىكتەرىن قولدايتىن بولامىز»، - دەدى ق. توقايەۆ.

سوڭعى جاڭالىقتار