+7 (701) 759 90 19 Лента
2 °С : استانا
13 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

قازاقستان-كورەيا دوستىعىن نىعايتۋ ەكى ەلدىڭ ورتاق ماقساتى - پرەزيدەنت

22 ءساۋىر 13:24 260
:ءبولىسۋ
قازاقستان-كورەيا دوستىعىن نىعايتۋ ەكى ەلدىڭ ورتاق ماقساتى - پرەزيدەنت

نۇر-سۇلتان. قازاقپارات - قازاقستان-كورەيا دوستىعى مەن تىعىز سەرىكتەستىگىن نىعايتۋ ەلدەرىمىزدىڭ ورتاق ماقساتى.

بۇل تۋرالى بۇگىن اقوردادا كورەيا رەسپۋبليكاسىنىڭ پرەزيدەنتى مۋن چجە ينمەن كەلىسسوزدەردەن كەيىنگى بىرلەسكەن مالىمدەمە بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«پرەزيدەنت مۋن چجە ين باستاعان وڭتۇستىك كورەيلىك دەلەگاتسيانى قازاق جەرىندە قابىلداۋ مەن ءۇشىن جانە بارشا قازاق حالقى ءۇشىن ۇلكەن مارتەبە. ءبىزدىڭ ەلىمىزگە العاش رەت مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى مۋن چجە ينگە ۇلكەن ريزاشىلىعىمدى بىلدىرەمىن. قازاقستان مەن وڭتۇستىك كورەيا اراسىنداعى دوستىق پەن تىعىز سەرىكتەستىكتى دامىتۋ جانە ودان ارى نىعايتۋ ەلدەرىمىزدىڭ ورتاق ماقساتى. بۇگىنگى ساپار بارىسىندا وعان تولىق كوزىم جەتتى»، - دەدى ق ر پرەزيدەنتى.

مەملەكەت باسشىسى ەكى ەلدىڭ ستراتەگيالىق قارىم-قاتىناستارىنىڭ 10 جىلدىعىنا وراي مۋن چجە ين مىرزانىڭ نۇر-سۇلتان قالاسىنا كەلۋىنىڭ ءمانى مەن ماڭىزى ەرەكشە ەكەندىگىن باسا ايتتى.

«بۇل ءبىزدىڭ ۇزاق مەرزىمدى ىقپالداستىعىمىزدى تىڭ بەلەسكە شىعاردى. قازاقستان مەن وڭتۇستىك كورەيا ءوزارا قارىم-قاتىناس ورناتقان ۋاقىتتان بەرى ساياسي ىقپالداستىعىمىزدىڭ تۇراقتى دامۋىن ءبىز ەلباسىنىڭ اتىمەن بايلانىستىرامىز. مەن مەملەكەت باسشىسى رەتىندە تۇڭعىش پرەزيدەنتىمىزدىڭ ساياساتىمەن ساباقتاستىقتى ساقتاپ، ستراتەگيالىق ارىپتەستىگىمىزدى نىعايتا ءتۇسۋدى باستى ماقساتىم ءارى مۇراتىم دەپ بىلەمىن. ءبىز وڭتۇستىك كورەيامەن ءوزارا سەنىمگە نەگىزدەلگەن اشىق جانە سىندارلى قارىم-قاتىناس ورناتتىق»، - دەدى ق. توقايەۆ.


:ءبولىسۋ

اأتور:

novasa

ونلاين قىزمەتكەرلەر
مۇراعات