+7 (701) 759 90 19
-22 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قازاق جانە كورەي تىلدەرىنىڭ ورال-التاي توبىندا بولۋى تاريحىمىزدىڭ ورتاق ەكەنىن كورسەتەدى- توقايەۆ

22 ءساۋىر 12:15
:ءبولىسۋ
قازاق جانە كورەي تىلدەرىنىڭ ورال-التاي توبىندا بولۋى تاريحىمىزدىڭ ورتاق ەكەنىن كورسەتەدى- توقايەۆ

نۇر-سۇلتان. قازاقپارات - قازاقستان مەن كورەيا رەسپۋبليكاسى بۇگىندە سەنىمدى سەرىك ءارى ستراتەگيالىق ارىپتەس.

بۇل تۋرالى بۇگىن اقوردادا ەلىمىزگە مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى مۋن چجە ينمەن كەڭەيتىلگەن قۇرامداعى كەلىسسوز بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارت ءتىلشىسى.

«قازاقستان مەن كورەيا رەسپۋبليكاسى بۇگىندە سەنىمدى سەرىك ءارى ستراتەگيالىق ارىپتەس. ءبىزدىڭ قارىم-قاتىناستارىمىزدىڭ تامىرى تەرەڭ جانە بەرىك. ەكى حالىقتىڭ مادەني جانە ساۋدا بايلانىستارى ۇلى جىبەك جولى زامانىندا وركەندەپ، عاسىرلار بويى جالعاسىپ كەلە جاتقانى بەلگىلى. قازاق جانە كورەي تىلدەرىنىڭ ورال-التاي توبىندا بولۋى حالىقتارىمىز تاريحىنىڭ ورتاق ەكەنىن كورسەتەدى. ءبىز وڭتۇستىك كورەيانى ەكونوميكالىق جەتىستىكتەرىنە جانە كورەي حالقىنىڭ مادەنيەتى مەن داستۇرىنە قۇرمەتپەن قارايمىز»، - دەپ اتاپ ءوتتى مەملەكەت باسشىسى.

سونىمەن قاتار، ق. توقايەۆ قازاقستانداعى كورەي دياسپوراسى ەكى حالىقتىڭ اراسىن جالعاپ وتىرعان التىن كوپىر رەتىندە بۇل ۇدەرىستە ماڭىزدى ءرول اتقاراتىندىعىن باسا ايتتى.

«ءسىز كەشە عانا كورەيانىڭ ۇلتتىق باتىرى حۋان ۋ دجون مەن اعارتۋشىسى گوۆەن ۋ سۇيەكتەرىن تۋعان جەرىنە قايتارىپ، يگى دە ىزگى ميسسيانى اتقاردىڭىز. وسى ورايدا ەلىڭىزدىڭ تاۋەلسىزدىگى ءۇشىن كۇرەس جولىنداعى قوزعالىستىڭ 100 جىلدىعىمەن بارشاڭىزدى قۇتتىقتايمىن»، - دەدى ق ر پرەزيدەنتى.

مەملەكەت باسشىسى قازىرگى تاڭدا ەكى ەلدىڭ اراسىندا كەڭ اۋقىمدى دامىپ كەلە جاتقان ۇيلەسىمدى قارىم-قاتىناستارعا قول جەتكىزدىك دەپ نىق سەنىممەن ايتۋعا بولاتىندىعىن اتاپ ءوتتى.

«ساياسي تۇرعىدان ءوزارا مۇددەلەرىمىزدى قۇرمەتتەۋگە نەگىزدەلگەن ىنتىماقتاستىقتىڭ ءتيىمدى ۇلگىسىن قالىپتاستىردىق. ءبىز بارلىق دەڭگەيدە تىعىز بايلانىس ورناتتىق. كۇنتارتىبىندەگى بارلىق ماسەلەلەر ىسكەرلىك جانە سىندارلى نەگىزدە شەشىمىن تابۋدا. ەكىجاقتى قارىم-قاتىناستى دامىتۋدا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ ايرىقشا ءرولىن اتاپ ءوتۋ قاجەت. بۇگىنگىدەي تاريحي وقيعالار كەزەڭىندە قازاقستاننىڭ سىرتقى ساياساتىنداعى ساباقتاستىق ساقتالاتىندىعىن جانە قازاق-كورەي قاتىناستارىن تەرەڭدەتۋگە ەرەشكە ءمان بەرەتىندىگىمىزدى راستايمىز. ءبىزدىڭ قابىلداپ وتىرعان بىرلەسكەن مالىمدەمە سونىڭ ايقىن دالەلى. بۇل ەكى ەلدىڭ مۇددەسىنە ساي كەلەدى دەپ كامىل سەنەمىن»، - دەدى قاسىم-جومارت توقايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات