پرەزيدەنتتىڭ ب ا ق سالاسىنداعى سىيلىقتارى مەن گرانتتارىن الۋعا وتىنىمدەر قابىلدانا باستادى
ق ر پرەزيدەنتى باسپا ءسوز قىزمەتىنىڭ اقپاراتىنا سايكەس، سىيلىقتار مەن گرانتتار الۋعا ۇمىتكەرلەردى بۇقارالىق اقپارات قۇرالدارى، شىعارماشىلىق وداقتار، قوعامدىق بىرلەستىكتەر جانە مەملەكەتتىك ورگاندار ۇسىنا الادى. العىس جاريالاۋعا شىعارماشىلىق ۇجىمداردى شىعارماشىلىق وداقتار، قوعامدىق بىرلەستىكتەر، مەملەكەتتىك ورگاندار ۇسىنا الادى.
«ءاربىر ب ا ق، شىعارماشىلىق وداق، قوعامدىق بىرلەستىك، مەملەكەتتىك ورگان سىيلىقتار مەن گرانتتار الۋعا ەكى ۇمىتكەر عانا ۇسىنۋعا قۇقىلى. گرانتتار جاسى وتىز بەستەن اسپاعان جاس جۋرناليستەرگە بەرىلەدى.
گرانت يەگەرىن سىيلىق الۋ ءۇشىن گرانت تاپسىرىلعاننان كەيىن كەمىندە بەس جىلدان كەيىن ۇسىنۋعا بولادى.
سىيلىقتار، گرانتتار الۋعا ۇمىتكەرلەردىڭ جانە العىس جاريالاۋعا شىعارماشىلىق ۇجىمداردىڭ ءوزىن-ءوزى ۇسىنۋىنا جول بەرىلمەيدى»، - دەلىنگەن باسپا ءسوز مالىمەتىندە.
سىيلىقتار نەمەسە گرانتتار الۋعا بۇقارالىق اقپارات قۇرالىنىڭ، شىعارماشىلىق وداقتىڭ، قوعامدىق بىرلەستىكتىڭ، مەملەكەتتىك ورگاننىڭ رەسمي بلانكىسىنە جازىلعان، ءبىرىنشى باسشى نەمەسە ونىڭ ورنىنداعى ادام قول قويعان (ا4 فورماتتاعى كولەمى 2 پاراقتان اسپايتىن) ۇسىنىم جولدانادى. وعان مىناداي قۇجاتتار قوسا ۇسىنىلادى:
- سىيلىقتار نەمەسە گرانتتار الۋعا ۇسىنىلعان ۇمىتكەردىڭ اتى، اكەسىنىڭ اتى، تەگى جانە شىعارماشىلىق بۇركەنشىك ەسىمى (ەگەر بولسا)، سونداي-اق اتقاراتىن لاۋازىمى كورسەتىلگەن نەگىزگى جۇمىس ورنىنان انىقتاما؛
- سىيلىقتار نەمەسە گرانتتار الۋعا ۇسىنىلعان ۇمىتكەردىڭ جەكە كۋالىگىنىڭ نەمەسە ءتولقۇجاتىنىڭ كوشىرمەسى؛
- سىيلىقتار نەمەسە گرانتتار الۋعا ۇسىنىلعان ۇمىتكەردىڭ شىعارماشىلىق قىزمەتىنىڭ قىسقاشا سيپاتتاماسى؛
- نەگىزگى جاريالانىمدارىنىڭ ءتىزىمى جانە ولاردىڭ كوشىرمەلەرى، اۋديو جانە (نەمەسە) بەينەماتەريالدار نەمەسە سونداي ماتەريالداردىڭ ينتەرنەت-سىلتەمەلەرىنىڭ ءتىزىمى.
العىس جاريالاۋعا شىعارماشىلىق وداقتىڭ، قوعامدىق بىرلەستىكتىڭ، مەملەكەتتىك ورگاننىڭ رەسمي بلانكىسىنە جازىلعان ءبىرىنشى باسشى نەمەسە ونىڭ ورنىنداعى ادام قول قويعان بۇقارالىق اقپارات قۇرالىنىڭ قىزمەتى تۋرالى (ا4 فورماتتاعى كولەمى 2 پاراقتان اسپايتىن) ۇسىنىم ۇسىنىلادى.
كونكۋرسقا ءمان-ماڭىزى جوعارى نەگىزگى جاريالانىمدار، اۋديو جانە (نەمەسە) بەينەماتەريالدار نەمەسە سونداي ماتەريالداردىڭ ينتەرنەت-سىلتەمەلەرىنىڭ ءتىزىمى ۇسىنىلادى.
قاراۋعا 2018-جىلعى 1- ماۋسىم مەن 2019-جىلعى 20- مامىر ارالىعىندا جاريالانعان جانە (نەمەسە) ەفيرگە شىققان ماتەريالدار قابىلدانادى.
سىيلىقتار، گرانتتار الۋعا جانە العىس جاريالاۋعا ۇسىنىلعان ماتەريالدار مەن قۇجاتتار قايتارىلمايدى.
كىتاپتار ب ا ق سالاسىنداعى ناگرادالار الۋعا ۇسىنىلعان ماتەريال رەتىندە قاراستىرىلمايدى. مەرزىمدى باسىلىمداردا جارىق كورگەن ماقالالار توپتاماسىن ۇسىنۋعا بولادى.
مەملەكەت باسشىسىنىڭ سىيلىقتارىن، گرانتتارىن الۋعا جانە العىسىن جاريالاۋعا ۇسىنىمداردى قوعامدىق كوميسسيانىڭ ءتوراعاسى - قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى د. ا. كالەتايەۆتىڭ اتىنا 2019-جىلعى 22- مامىرعا دەيىن مىنا مەكەن-جاي بويىنشا: 010000، نۇر- سۇلتان ق. «اقوردا» رەزيدەنتسياسىنا جولداۋ قاجەت.
قاعاز تۇرىندە جولداناتىن قۇجاتتار پوشتا قىزمەتى ارقىلى جوعارىدا كورسەتىلگەن مەكەن-جايعا جىبەرىلەدى نەمەسە «ۇكىمەت ءۇيى» عيماراتىندا (نۇر-سۇلتان ق. ماڭگىلىك ەل داڭعىلى، 6) ورنالاسقان پرەزيدەنت اكىمشىلىگى جالپى ءبولىمىنىڭ حات-حاباردى قابىلداۋ سەكتورى ارقىلى جۇمىس كۇندەرى ساع. 09:00-15:30 ارالىعىندا (تۇسكى ءۇزىلىس ساع. 13:00-14:30)، سەنبى كۇنى ساع. 10:00-11:00 ارالىعىندا قابىلدانادى.
مەملەكەتتىك ورگانداردىڭ ۇسىنىمدارى ەلەكتروندىق قۇجات اينالىمىنىڭ ءبىرىڭعاي جۇيەسى ارقىلى تەك ەلەكتروندىق فورماتتا عانا قابىلدانادى، بۇل قوسىمشالارى ەلەكتروندىق تاسىمالداعىش (ديسك) ارقىلى جولداناتىن ۇسىنىمدارعا قاتىستى ەمەس.